Монгол бөхөнг сансраас хянана
Дэлхийн байгаль хамгаалах сан (WWF)-гийн Монгол дахь хөтөлбөрийн газрын санаачилгаар байгаль, зэрлэг амьтан хамгаалах нийгэмлэг (WCS), Говь-Алтай аймгийн Байгаль орчны газар болон “Бөхөн хамгаалах сүлжээ баг” хамтран монгол бөхөнд сансрын дохиололтой хүзүүвч зүүсэн байна. Судалгааны ажлын зорилго нь, монгол бөхөнгийн нүүдэл шилжилт, эзэмшил нутгийг нарийвчлан тогтоох, популяцийн эмзэг байдлын үнэлгээний суурь мэдээлэл бүрдүүлэх, авто замын зүгээс үзүүлж буй нөлөөллийг тооцоход оршино.

Мөн монгол бөхөнг сэргээн нутагшуулах ажлын суурь мэдээлэл цуглуулах боломж гарах юм. Улмаар Говь-Алтай аймгийн Дарвийн нурууны өмнөд хэсгээс дөрөв, Хүйсийн говиос дөрвөн бөхөнг барьж хүзүүвч зүүжээ. Дашрамд сонирхуулахад, монгол бөхөн Дарвийн нуруу, Хүйсийн говиос гадна Ховд аймгийн Хар- Ус, Дөргөн нуур, Шаргын говь, Зүүн гарын говиор нутагладаг аж. Дэлхийн байгаль хамгаалах сангийн Монгол дахь хөтөлбөрийн газар бөхөн хамгаалах цогц ажлыг сүүлийн жилүүдэд орон нутгийн удирдлага, иргэдтэй хамтран хийсний ачаар тоо толгой нь өсч 13800-д хүрчээ. 
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.