Урин дулааны улирал ирж орон нутгийг зорих тээврийн хэрэгсэл эрс нэмэгджээ. Харин энэ хэрээр энэ замд осол аваар гарах нь их байгаа тухай албаныхан мэдээлж байна. Орон нутгийн замд гарч байгаа осол аваарын дийлэнх нь нийслэл хотоос 150-180 км-ийн радиус дотор гарч байгаа бөгөөд энэ нь хөдөлгөөн ихтэйгээс гардаг аж. Түүнчлэн Налайхын замд мөн осол ихээр гардаг юм байна. Энэ нь зам хэтэрхий нарийн байдгаас болдог хэмээн албаны хүн хэлж байна. Орон нутгийн замууд ч мөн ялгаагүй маш нарийн замтай байдаг нь ослын шалтгаан болдог байна. Орон нутгийн замын өргөн долоон метр байх ёстой аж. Гэвч манайд хөрөнгө мөнгөний асуудлаас болоод үүнээс нарийн зам тавьдаг нь ийнхүү осол гарах нөхцлийг бүрдүүлдэг байна.
Б.Сансартуяа
Б.Сансартуяа
Оллоо.мн