Олон улаагийн үйлдлээр цагдаагийн “хаалга” татаж байсан халаасны хулгайчийг баривчилжээ. Энэ сард олон үйлдэл, олон оролцогчтой дараах хэргийг Улаанбаатар хотын цагдаагийн газрын Нэгдүгээр хэлтсийн Эрүүгийн тасгийн алба хаагчид илрүүлсэн байна.
Тухайлбал, Сүхбаатар дүүргийн 8 дугаар хорооны нутаг дэвсгэрт байх “Төгөлдөр” төвийн 2 давхраас иргэн Ү нь энэ сарын 10-ны өдрийн 17:00 цагийн орчим гар утас эд зүйлээ хулгайд алдсан гэх хэргийг шалгахад уг хэргийг “Өөдөс” хочит Э гэгч үйлдсэн болох нь тогтоогджээ. Сэжигтэн этгээдийг Баянзүрх дүүргийн 11 дүгээр хороо “Хөх тэнгэр”-т оршин суугаа газраас нь баривчилсан байна.
“Өөдөс” хочит “Э” нь зах, худалдааны төв, томоохон дэлгүүрүүдэзс бусдын анхаарлыг сарниулж, хулгай хийдэг гэх бөгөөд шалгалтын явцад 32 удаагийн үйлдлээр хулгайн гэмт хэрэг үйлдсэн болох нь тогтоогджээ. Түүнийг эд зүйл хулгайлсан эзэн холбогдогч нь тогтоогдоогүй бусад хэргүүдэд холбон шалгасан байна.
Уг этгээд нь хулгайлсан гар утаснуудаа "Монтел" худалдааны төвийн гадна гар утасны худалдаа эрхэлдэг ченж гэх У, М, Н, У нарт зарж, борлуулсан байх тул хулгайн эд зүйл худалдаж авсан ченжүүдийг эрүүгийн хариуцлагад татахаар шалгаж байгаа аж.
Б.Сансар
olloo.mn