С.Бямбацогт: Шаардлагагүй зардлыг бууруулах замаар цалин, тэтгэврийг нэмэх ёстой
УИХ дахь МАН-ын бүлгийн хуралдаанаар энэ оны төсвийн тодотгол, ирэх оны төсвийн төслийг хэлэлцлээ. Хуралдаанаар цалинг хасах Засгийн газрын саналыг МАН-ын бүлэг дэмжихгүй гэдэгт санал нэгдлээ. Энэ талаар бүлгийн дарга С.Бямбацогт хэлэхдээ "Хямралтай үед ард иргэдийн орлогыг нь бууруулах нь буруу. Тэвчиж болох урсгал зардал, шаардлагагүй зардал, тухайлбал, гадаад, дотоод томилолт, сургалт, семинар, шатахуун, унааны зардлыг бууруулах боломжтой. Шинээр байгуулсан улсын 119 үйлдвэрийн газар, төрийн өмчит компаниудын асуудлыг шийдэх ёстой. Эдгээр зардлыг хэмнэсэн мөнгөөр цалин, тэтгэврийг нэмэгдүүлэх ёстой" гэлээ. Мөн МАН-ын бүлэг тэтгэврийн зээлийн хүүг бууруулах асуудлыг төсвийн хэлэлцүүлгийн үеэр хөндөж тавихаар болсон байна.

МАН-ын бүлгийн хувьд Засгийн газраас оруулж ирсэн нефть бүтээгдэхүүн, бензин шатахууны татварыг нэмэгдүүлэх саналыг дэмжихгүй хэмээн байр сууриа илэрхийлэв. "Дэлхийн зах зээлд шатахууны үнэ 2.5 дахин буурсан байхад Монголд 10 хувиар ч буураагүй байна. Саяхан Тайвань шатахуунаа нэг литр тутамд монгол төгрөгтэй харьцуулахад 500 төгрөгөөр буулгасан. Хилийн цаана ОХУ-д нэг литр нь 1000 гаруй төгрөг байхад Улаанбаатарт 1800 төгрөг байна. Тиймээс хямралтай үед шатахууны татварыг нэмэхийн оронд үнийг бууруулж, улсын хэмжээнд шатахууны үнийг ижил болгох ёстой" гэж бүлгийн дарга С.Бямбацогт мэдээллээ.



Д.Хаянхярваа: Бараа үйлчилгээний зардлыг 2012 оны төвшинд хүргэхийг шаардана

МАН-ын бүлгийн дэд дарга Д.Хаянхярваа 2015 оны төсвийн орлого нэмэгдүүлэх талаар дахин тооцоо хийх шаардлагатайг онцлов. Тэрээр "Засгийн газар төсвийн орлого нэмэгдүүлэх талд шатахуун, дизелийн онцгой, гаалийн албан татварын нэмэгдэлд 61.3 тэрбум, татварын өрийг барагдуулахад 325.4 тэрбум, нийт 400 гаруй тэрбум төгрөг олохоор тооцсон нь үндэслэл муутай  байна" гэв.

Сүүлийн гурван жил хэд дахин нэмэгдээд байгаа урамшуулал, унаа хоолны хөнгөлөлт, гэрээт ажилчдын цалин, бараа үйлчилгээний зардлыг 2012 оны төвшинд аваачих ёстой гэж МАН-ын бүлэг үзэж байна. Тухайлбал, 2012 онд унаа хоолны хөнгөлөлтөд 16 тэрбум төгрөг зарцуулж байсан бол 2016 онд 37 тэрбум төгрөг төсөвлөжээ. 2012 онд урамшуулалд 27 тэрбум төгрөг зарцуулсан бол ирэх онд 57 тэрбум төгрөг төсөвлөсөн байна. Мөн 2012 онд нэмэгдэлд 13 тэрбум төгрөг зарцуулсан бол ирэх онд энэ хэмжээ 115 тэрбум болж өсөх аж. 2012 онд гэрээт ажилчдын цалинд 29 тэрбум төгрөг зарцуулж байсан бол 2016 онд 38 тэрбум төгрөг суулгажээ. Түүнчлэн 2016 онд шинээр объект эхлүүлэхгүй, өмнөх онуудад эхэлсэн объектоо дуусгах ёстой гэж МАН-ын бүлэг үзлээ. Үүний зэрэгцээ Төсвийн зарлагын дэд хороонд нийслэлийн төсвийг хянаж үзэх, улсын 119 үйлдвэрийн газар, төрийн өмчит компаниудын тооцоо судалгааг нягталж үзэх чиглэл өгөв. Төсвийн алдагдлыг 3.3 хувиас бууруулах боломж бололцоог судлах, аль болох тэг рүү ойртуулах талд анхаарна гэж Д.Хаянхярваа гишүүн мэдээллээ.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • goeo 2015-10-27 02:00:28
    MAN nam ene ajliig zob zamd oruulj caling nemegduulj, benzinii yne buuruulj chadna gedegt itgelmei bna
    202.179.11.18
    Мэдэгдсэн Хариулах
  • 1+ 2015-10-26 22:40:08
    Tansag hereglee, jeep mashiny ontsgoi tatvaryg 100-200% bolgoj, benziny tatvaryg buuruulah sanaltai baina. 1+
    27.123.214.115
    Мэдэгдсэн Хариулах
  • unshigch 2015-10-26 15:35:44
    er ni bol zuv bauna. uuruusuu ekhleerei
    122.201.24.229
    Мэдэгдсэн Хариулах