Хуриманд явсан иргэн сураггүй алга болжээ
Энэ сарын 17-нд гэрээсээ гараад одоог хүртэл сураггүй байгаа 21 настай Б гэх залууг хайх ажил үргэлжилж байна. 

Тодруулбал, Хөвсгөл аймгийн Ренчинлхүмбэ сумын Ёлт багийн “Эмтийн-Эх” гэдэг газар /сумын төвөөс баруун хойд зүгт 15км-т/ айлын хуриманд очсон нутгийн иргэн Б энэ сарын 17-ны өдрийн 01:00 цагийн орчим согтуу гарч яваад сураггүй алга болсон байна. Энэ талаар 10 сарын 21-ний өдрийн 10:56 цагт тус сумын Засаг даргын Тамгын газрын дарга Э аймгийн Онцгой байдлын газарт мэдэгдсэн байна.

Тус сумын Цагдаагийн хэсгийн 2 албан хаагч, 1 автомашин, орон нутгийн 43 иргэн, 2 автомашин, нийт 45 хүн, 3 техник хэрэгсэлтэйгээр  эрэн хайх ажиллагааг зохион байгуулжээ. Эрлийн явцад үзэгдэх орчин хязгаарлагдсан тул тухайн өдрийн 22:05 цагт хайх ажиллагааг зогсоож, 22-ны өдрийн 07:00 цагаас эрлийн ажиллагааг дахин үргэлжлүүлж байна. Эрлийн баг ”Зөөлөн мод”, “Товог”  уулуудыг самнаж дууссан. Иймээс “Эмт”, “Хулст”  нууруудад аймгийн Онцгой байдлын газартай хамтран эрлийн ажиллагааг явуулахаар болжээ.
 
Г.Уянга
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин 2015-10-26 03:50:05
    21 хэн настай байж архи их ууснаас л болсон доо хэцүүч юм даа энэ замбараагүй архидалт
    183.177.101.158
    Мэдэгдсэн Хариулах