Их дээд сургуулиудын барилга газар хөдлөлтөд тэсвэргүй нь тогтоогдлоо
“Учирч болзошгүй байгалийн гамшиг, түүний дотор газар хөдлөлтийн гамшгийн эрсдэлийг  бууруулах, хохирлын тоо, хэмжээг багасгах арга хэмжээг хэрэгжүүлэх тухай” Засгийн газрын тогтоол, Үндэсний аюулгүй байдлын зөвлөлийн зөвлөмж, шийдвэрийн дагуу Мэргэжлийн хяналтын ерөнхий газраас 2010-2015 онд нийслэл, аймаг, томоохон хот, суурин газрын барилга, байгууламжуудад хяналт шалгалт хийлээ.

Шалгалтад улсын хэмжээнд үйл ажиллагаа явуулдаг төрийн өмчит ерөнхий боловсролын 656 сургууль, 686 цэцэрлэг хамрагдсан байна. Газар хөдлөлтийн тэсвэрлэх чадварт дүгнэлт хийхэд 1970 оноос өмнө ашиглалтад орсон, газар хөдлөлтийн арга хэмжээгүй баригдсан 164 сургууль, 148 цэцэрлэг байгаа нь тогтоогдлоо. 1970 оноос хойш ашиглалтад орсон, газар хөдлөлтийг тооцож барьсан ч холбогдох норм, дүрмийн шаардлага хангахгүй 78 сургууль, 103 цэцэрлэг байна.

Улаанбаатар хот дахь төрийн өмчит 14 их, дээд сургууль, 34 коллежийн хичээлийн байр, оюутны дотуур байрны 20 барилгыг шалгахад 13 хичээлийн байр, 12 дотуур байр газар хөдлөлтөд тэсвэргүй нь тогтоогдлоо.Ялангуяа Боловсролын их сургуулийн “Г” байр, ШУТИС-ийн 2 дугаар дотуур байрны ашиглалтыг нэн даруй зогсоож, Соёл урлагийн их сургуулийн хичээлийн төв байрны барилгын үндсэн хийц, бүтээцийг  яаралтай бэхэлж, хүчитгэх шаардлагатай болжээ. Хяналт шалгалтад хамрагдсан бүх сургуулийн барилгад ээлжит засвар, тордолгоог цаг хугацаанд нь хийгээгүйгээс барилгын чанар муудаж байна. 

Мэргэжлийн хяналтын байгууллагаас хийсэн хяналт, шалгалт, улсын байцаагчийн тавьсан акт, гаргасан дүгнэлт, албан шаардлагын мөрөөр нийслэл хот тодорхой ажлуудыг хийж гүйцэтгэж байна. Тухайлбал СБД-ийн нутагт байрлах 3 дугаар сургууль, БГД-ийн 22 дугаар сургуулийн А блок, 70 дугаар сургуулийн барилгыг буулгаж шинээр барилаа.

СБД-ийн 11 дүгээр сургууль, ЧД-ийн 5 дугаар сургууль, БЗД-ийн 92 дугаар сургууль, 146 дугаар цэцэрлэг, ХУД-ийн 32 дугаар сургууль, БГД-ийн 38 дугаар сургуулийн “Б” блок, 57, 47 дугаар цэцэрлэг, СХД-ийн 26 дугаар цэцэрлэгийн барилгын ашиглалтыг зогсоож, байрыг нь суллан, эхнээс нь шинээр барьж эхэлжээ.

Нийслэлийн Иргэдийн Төлөөлөгчдийн Хурлын Тэргүүлэгчид 2015.10.19-ний өдөр хуралдан БЗД-ийн 3 дугаар хороонд байх Сувиллын цэцэрлэг, яслийн 10 дугаар цогцолбор, 14 дүгээр дунд сургууль, ХУД-ийн 11 дүгээр хороонд байрлах 32 дугаар сургууль, БГД-ийн 4 дүгээр хорооны нутагт байх 38 дугаар сургуулийн “А” байр, ЧД-ийн 18 дугаар цэцэрлэгийн байрыг акталж концессын гэрээгээр шинээр өргөтгөхөөр шийдвэрлээд байна.  
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zochin 2016-02-06 13:49:31
    Их дээд сургуулиудыг хотын захруугаа байрлуулбал зохимжтой юм биш үү. Жишээ нь нийтийн тээврийн ачаалал тал талруугаа жигд болох, түгжрээ бага болох гэх мэт
    202.179.28.69
    Мэдэгдсэн Хариулах
  • Зочин99 2015-12-16 04:52:41
    Их мэдэгчийн дүрд тоглосон энэ дүлий төр одоо яахыг л харъя. 1917 оноос хойш газар хөдлөөсэй гэж залбирч суугаа байх даа хөөрхийс.
    59.153.112.168
    Мэдэгдсэн Хариулах
  • byambaa 2015-10-21 06:18:37
    zov zov. ih deed surguuliudiin gazriig ni zaraad olson mongooroo shine surguuliig ni baganuurt barih heregtei.tegj ene hotiin tovloriig bagasgah heregtei
    202.126.89.199
    Мэдэгдсэн Хариулах
  • бббббб 2015-10-21 02:01:51
    худлаа хуц. зайсангийн гүүр нурлаа гээд актлаад байсан тэгсэн 20тн танк ачаад зүгээр л гараа биз дээ. битгий хуцацгаа. зүгээр сүх далайтал үхэрт амар гээд сууж...
    203.194.116.18
    Мэдэгдсэн Хариулах