Дархан-Уулын асуудлаар Ерөнхий сайд ажлын хэсэг гаргаж нягтлах хэрэгтэй гэв
УИХ-ын гишүүн Д.Хаянхярваа Дархан-Уул аймагт үүссэн нөхцөл байдлын талаар мэдээлэл хийлээ. Тэрээр Дархан-Уул аймгийн Засаг дарга, ИТХ-ын даргыг огцруулсан хууль бус шийдвэртэй холбогдуулан ажлын хэсэг байгуулж, асуудлыг нягталж шалгахыг Ерөнхий сайд, ЗГХЭГ-аас хүслээ. 

Тус аймгийн ИТХ 33 төлөөлөгчтэй. Үүнээс 18 нь МАН, 11 нь АН, хоёр нь эвслийн харьяалалтай, хоёр нь бие даагч аж.  
Дархан-Уул аймгийн ИТХ-ын дарга Ч.Цэндсүрэн бүрэн эрхийнхээ хүрээнд ИТХ-ын тэргүүлэгчдийн хурлыг зарлажээ. ИТХ 11 тэргүүлэгчтэй юм байна. Тэргүүлэгчдийн ирц бүрдээгүй, цаг 30 минут хүлээгээд ирэхгүй болохоор нь ИТХ-ын дарга нь хурлаа хойшлуулах шийдвэр гаргажээ. Гэтэл ИТХ-ын тэргүүлэгч АН, МАН, МАХН-ын харьяалалтай П.Эрдэнэбат, Р.Эрдэнэбаяр, Б.Бат-Эрдэнэ нар үгсэж, "ИТХ-ын дарга Ч.Цэндсүрэн хурлыг орхин гарсан тул" гэдэг тайлбартайгаар тэргүүлэгч П.Эрдэнэбатыг хурал даргалагчаар сонгох тогтоол гаргажээ. Ингэхдээ тэд ИТХ-ын даргын түлхүүрийг булаан авч ИТХ-ын тамгыг бус тэмдгийг дарсан байна. Улмаар аймгийн ИТХ-ын хуралдааныг есдүгээр сарын 15-нд хуралдуулах тов зарлан, Засаг дарга, ИТХ-ын даргыг огцруулах, нөхөн сонгуулийн асуудлыг хэлэлцэх тогтоол гаргасан байна. Ингэснээр Дархан-Уул аймгийн ИТХ-ын ээлжит бус хуралдаанаар аймгийн Засаг дарга, ИТХ-ын даргыг хууль бусаар огцруулж, оронд нь шинээр хүн томилж, ИТХ-ын даргын албан өрөөний үүд, сейфийг эвдэлж тамга тэмдгийг нь булаан авсан байна.
Нутгийн өөрөө удирдах ёсны байгууллагын эрх мэдэлд халдаж тамга тэмдгийг нь хүчээр булаасан энэхүү үйлдлийг хууль бус гэж үзэж буйгаа УИХ-ын гишүүн Д.Хаянхярваа мэдэгдэж, бүх зүйл хуулийн хүрээнд явах ёстойг онцоллоо. 


Тэрээр "Миний хувьд Дархан-Уул аймгийн Засаг дарга, ИТХ-ын даргыг хамгаалаад заавал энэ албыг хаших ёстой гэдэг үүднээс хэвлэлийн хурал хийж байгаа юм биш. Гагцхүү бүх зүйл хуулийн хүрээнд явах ёстой. Би төрийн албанд 30 гаруй жил ажилласны 20 гаруй жилд нь нутгийн өөрөө удирдах ёсны байгууллага, орон нутагт ажилласан. Тиймдээ ч орон нутгийн ажил амьдралыг байнга сонирхож, болж бүтэж байгаа зүйлийг дэмжиж, ямар хууль дүрэм зөрчигдөж байгааг анхааралтай ажиглаж явдаг. Аль нам нь ялсан байна гэхээсээ илүүтэй төрийн ажил хуулийн дагуу явагдах ёстой гэж үздэг. Дархан-Уул аймагт болж байгаа үйл явдлыг хоёр жилийн хугацаанд тэвчээртэй харсан. 2012 оны орон нутгийн сонгуулиар Дархан-Уул аймагт МАН ялалт байгуулсан. Үүнээс  хойш МАН-ын ялалтыг үгүйсгэх гэж, дотор нь хагаралдуулах замаар аймгийн эрх мэдлийг гартаа авах гэж хэсэг бүлэг хүмүүс санаархаж байсан. Энэ санаархлаа өнөөдөр хуулийн бус аргаар хэрэгжүүлж байгаад сэтгэл зовниж байна. 21 аймагт Дархан-Уул аймагт болсон шиг хууль зөрчсөн процесс үргэлжлээд явбал төр засаг, нутгийн өөрөө удирдах ёсны байгууллага хууль дүрэмгүй, ажиллах чадамжгүй болж эхэлнэ. Бүхэлдээ засаглалын хямралд орох эрсдэлтэй. Хэрвээ хууль бус шийдвэрийг батламжилбал ийм хууль бус үйлдэл орон нутагт хавтгайрна. Нэгэнт Ардын нам, Ардчилсан намын гишүүдээс аймгийн удирдлагуудаа огцруулъя гэж байгаа бол хуулийн хүрээнд хурлаа хуралдуулах ёстой" гэв.
Г.Уянга
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ooh 2015-09-17 03:16:42
    АРДЧИЛСАН НАМЫН ХАРГИСЛАЛ, ДАРАНГУЙЛАЛ ИЛ ЦАГААНДАА ГАРЧ БУЙН ЗАХЫН НЭГ ШИЖЭЭ ЭНЭ.
    124.158.77.13
    Мэдэгдсэн Хариулах
  • garri 2015-09-17 01:25:31
    Монголчуудаа!!!!!!!!! Эх орон, элгэн нутгийнхаа төлөө тэмцэмээр байна. Яасан ч яахав. Би улс эх орондоо хийх юмаа хийсэн хүн. Тиймээс одоо амиа өгөхөд бэлэн бна...
    202.21.106.161
    Мэдэгдсэн Хариулах
  • Зочин 2015-09-16 06:50:22
    ИЙМ ХҮЧ ТҮРЭМГИЙЛСЭН ХУУЛЬ БУС ҮЙЛДЭЛ ЗӨВХӨН АН-ЫНХАН Л ГАРГАЖ ЧАДДАГ. ТЭНЭГ БҮДҮҮЛЭГ ЮМ
    103.11.192.34
    Мэдэгдсэн Хариулах
  • дарханы төлөө 2015-09-16 06:29:41
    Анхнаасаа хууль зөрчиж томилогдож байхад нь яагаад таг дуугай байснаа. Хурлаа хийхгүй хууль зөрчиж явахад нь яагаад дуугай байсан хүн вэ.
    103.229.123.161
    Мэдэгдсэн Хариулах