БНХАУ-ын нийслэл Бээжин хотноо 1945 оны чөлөөлөх дайны ялалтын 70 жилийн ойн баярын парад эхэллээ. Парадад ОХУ тэргүүтэй хэд хэдэн орны цэргийн жагсаал оролцож байгаа юм. Тэдэн дунд манай улсын цэргийн жагсаал ч багтаж байгаа билээ. Баярын парад БНХАУ-ын явган цэргүүдийн жагсаалаар эхэллээ.
БНХАУ-ын удирдагч Си Жиньпин Японы дарлалаас чөлөөлөгдөж, Дэлхийн хоёрдугаар дайн дууссаны түүхт 70 жилийн ойг тохиолдуулан Тянь Аньмэний талбайд сүрлэг жагсаал зохион байгуулах шийдвэрийг гаргасан билээ.
Япон есдүгээр сарын 2-ны өдөр бууж өгөх гэрээнд гарын үсэг зурсан ч маргааш нь албан ёсны баярын өдөр болгосон юм.
Дэлхийн хоёрдугаар дайныг албан ёсны эх сурвалжуудад 1939 оны есдүгээр сарын 1-нд эхэлсэн хэмээн тэмдэглэдэг ч угшил нь Хятадаас эхтэй. 1931 онд Японы милитаристууд Манжуурыг эзэлж, Манж Го хэмээх тоглоомын улс байгуулж, улмаар 1937 онд Хятад-Японы дайн эхэлсэн түүхтэй.
Японд эзлэгдсэн Хятадын ард түмэн маш их зовлон зүдгүүрийг амсч, олон сая хүний амь нас үрэгдсэн байдаг. Энэхүү ойг ёсчлон тэмдэглэснээрээ БНХАУ фашизмын эсрэг тэмцэлд өөрийн хувь нэмрээ оруулсан гэдгийг дэлхий дахинд зарлан тунхаглах боломжтой болох юм хэмээн албаны эх сурвалжаас мэдээлсэн байна. Учир нь дэлхийн хоёрдугаар дайнд оруулсан БНХАУ-ын хувь нэмрийг ойшоодоггүй юм.
БНХАУ-ын удирдагч Си Жиньпин Японы дарлалаас чөлөөлөгдөж, Дэлхийн хоёрдугаар дайн дууссаны түүхт 70 жилийн ойг тохиолдуулан Тянь Аньмэний талбайд сүрлэг жагсаал зохион байгуулах шийдвэрийг гаргасан билээ.
Япон есдүгээр сарын 2-ны өдөр бууж өгөх гэрээнд гарын үсэг зурсан ч маргааш нь албан ёсны баярын өдөр болгосон юм.
Дэлхийн хоёрдугаар дайныг албан ёсны эх сурвалжуудад 1939 оны есдүгээр сарын 1-нд эхэлсэн хэмээн тэмдэглэдэг ч угшил нь Хятадаас эхтэй. 1931 онд Японы милитаристууд Манжуурыг эзэлж, Манж Го хэмээх тоглоомын улс байгуулж, улмаар 1937 онд Хятад-Японы дайн эхэлсэн түүхтэй.
Японд эзлэгдсэн Хятадын ард түмэн маш их зовлон зүдгүүрийг амсч, олон сая хүний амь нас үрэгдсэн байдаг. Энэхүү ойг ёсчлон тэмдэглэснээрээ БНХАУ фашизмын эсрэг тэмцэлд өөрийн хувь нэмрээ оруулсан гэдгийг дэлхий дахинд зарлан тунхаглах боломжтой болох юм хэмээн албаны эх сурвалжаас мэдээлсэн байна. Учир нь дэлхийн хоёрдугаар дайнд оруулсан БНХАУ-ын хувь нэмрийг ойшоодоггүй юм.
Б.Сансар
olloo.mn
olloo.mn