Ерөнхий боловсролын сургуулиудыг цэвэр усаар хангаж, хийжүүлсэн ундаа худалдахыг хориглоно
Олон улсын Хэрэглэгчийн байгууллага, Дэлхийн эрүүл мэндийн байгууллагаас 2015 оныг дэлхий нийтээрээ “Эрүүл зөв, зохистой хооллолтын жил” болгон зарласантай холбогдуулан Шударга өрсөлдөөн хэрэглэгчийн төлөө газраас ерөнхий боловсролын дунд сургуулиудын сурагчдад үзүүлж байгаа зарим үйлчилгээ, тухайлбал үнэгүй цэвэр усаар хангаж байгаа байдал нь холбогдох хууль тогтоомж, стандартын шаардлагад нийцэж байгаа эсэхэд хяналт шалгалт, судалгааны ажлыг хийлээ.

Шалгалт, судалгааны ажилд нийслэлийн 6 дүүргийн 69, 18 аймгийн 402 дунд сургууль, нийт 471 төрийн болон хувийн сургуулиуд хамрагдсан юм. Улсын хэмжээнд төрийн болон хувийн 630 сургууль байдаг бөгөөд нэг сургуульд дунджаар 1000-1500 орчим хүүхэд суралцдаг юм байна. Хяналт, шалгалт судалгаагаар Ерөнхий боловсролын сургуулиудын цэвэр усны крантад 360 ширхэг цэвэр усны төхөөрөмж суурилуулж, зөөврийн савтай ус цэвэршүүлэгч 382 ширхэг байгаа нь нийт суралцагчдынхаа тоотой дүйцүүлэхэд сурагчид цэвэр усаар үйлчлүүлэх боломж нь хязгаарлагдмал байгаа нь тогтоогдлоо.

Сургуулиудын зарим нь эцэг, эхчүүдийн хандив, “Unisef”, “Дэлхийн зөн” олон улсын байгууллагын тусламж, НҮБ-ийн хүүхдийн сангийн санхүүжилтээр цэвэр усны төхөөрөмжтэй болсон ба сурагчдын цайны газаргүй сургуулиуд ч цөөнгүй байна. Иймд ШӨХТГ-аас аймаг, нийслэл, дүүргүүдийн Засаг дарга нарт 2015-2016 оны хичээлийн жилд ерөнхий боловсролын сургуулиудыг цэвэр усны төхөөрөмжөөр бүрэн хангах асуудлыг шийдвэрлүүлэхээр улсын байцаагчийн дүгнэлтийг хүргүүллээ. 

Мөн түүнчлэн Олон Улсын хэрэглэгчийн байгууллагаас дэвшүүлсэн сургуулиудыг үнэгүй, эрүүл, аюулгүй ундны усаар хангах уриалгыг хэрэгжүүлж улсын хэмжээнд сурагчдад үйлчлэх ундны цэвэр усны үйлчилгээг нэмэгдүүлэх жил болгон, бүх сургуулиудыг хамруулан зохион байгуулах, сургууль дээр сахар, давс, өөх тосны өндөр агууламжтай бүтээгдэхүүн болон хийжүүлсэн ундаа худалдаалах, энэ чиглэлийн сурталчилгаа явуулахыг зогсоох тал дээр ЕБ-ын сургуулиудын удирдлагуудад мэдэгдэл хүргүүлж гүйцэтгэлийн хяналт шалгалтыг ирэх 10 сард хийхээр боллоо.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Мөнхөө 2015-08-28 03:46:37
    Ёстой зөв шийдвэр гаргажээ дэмжиж байна. Ухаалаг утсыг хязгаарлах нь зөв шүү. Энэ талаар даруйхан арга хэмжээ авах хэрэгтэй байна.
    103.242.47.54
    Мэдэгдсэн Хариулах
  • Зөв хооллолт 2015-08-28 03:21:37
    Маш зөв шийдвэр байна. Одоо чипсийг бас хязгаарлах хэрэгтэй байна. Мөн хүүхдүүдийг хичээлийн цагаар Smart touch-тай утас бариулдаггүй болгомоор байна.
    180.149.103.83
    Мэдэгдсэн Хариулах
  • ЗУУНЫ МЭДЭЭ 2015-08-27 01:44:35
    ЗӨВ ШҮҮ
    103.229.121.200
    Мэдэгдсэн Хариулах