Хөдөлмөрийн үндэсний нам УИХ-аас гаргаж буй зарим хууль, тогтоомжийн талаар сэтгүүлчдэд өчигдөр мэдээлэл хийв. Тодруулбал, УИХ өнгөрсөн долдугаар сарын 9-нд “Халх гол чөлөөт бус байгуулах тухай” 75 тоот тогтоолыг гаргасан. Уг тогтоолоор Дорнод Монголын нутаг, дэлхийд үлдсэн сүүлчийн хялганат хээр Мэнэнгийн талд, Буйр нуурийн зүүнтээ байрлуулан 500 мянган гектар газар нутгийн эрх зүйн статусыг “хөдөө аж ахуйн үйлдвэрлэлийг хөгжүүлэх зорилгоор” гэдэг нэрийн дор чөлөөт бүс болгож өөрчилсөн. УИХ-аас гаргасан энэ шийдвэрийн дагуу Хөдөлмөрийн үндэсний нам ажлын хэсэг гаргаж, манай улсад ямар ашигтай байж болох талаар судалгаа хийжээ. Гэвч энэ чөлөөт бүсийг байгуулах нь манай улсад бүх талаараа ашиггүй гэсэн дүн гарсныг ажлын хэсгийнхэн тайлбарлав. Тухайлбал, татвар, газрын төлбөр авахгүйгээр барахгүй үржил шимт, түүхт нутгаа гадныханд мөлжүүлж дуусах аюултай гэдгийг ч анхаарууллаа.
Халх голын энэнхүү чөлөөт бүсийн газрын хэмжээг аваад үзэхэд уул уурхайн зориулалтаар ашиглаж байгаа нийт эдэлбэр газраас 25 дахин том, НҮБ-д бүртгэлтэй нийт улсын дөрөвний нэгийнх нь газар нутгийн хэмжээнээс багагүй буюу Монгол Улсын 7.1 сая иргэнд өмчлүүлэхүйц хэмжээний том газар байгааг онцолсон юм. Тиймээс чадамжгүй УИХ- аас гаргасан энэ шийдвэрийг Хөдөлмөрийн үндэсний нам эсэргүүцэх болно гэдгээ илэрхийлэв.
Халх голын энэнхүү чөлөөт бүсийн газрын хэмжээг аваад үзэхэд уул уурхайн зориулалтаар ашиглаж байгаа нийт эдэлбэр газраас 25 дахин том, НҮБ-д бүртгэлтэй нийт улсын дөрөвний нэгийнх нь газар нутгийн хэмжээнээс багагүй буюу Монгол Улсын 7.1 сая иргэнд өмчлүүлэхүйц хэмжээний том газар байгааг онцолсон юм. Тиймээс чадамжгүй УИХ- аас гаргасан энэ шийдвэрийг Хөдөлмөрийн үндэсний нам эсэргүүцэх болно гэдгээ илэрхийлэв.
Зууны мэдээ
Д.Цэцэг
Д.Цэцэг