Татварын хуурамч тайлангуудыг хүү торгуульгүйгээр залруулж, өршөөх үү
УИХ-ын гишүүн, Хууль зүйн сайд Х.Тэмүүжин “Эдийн засгийн ил тод байдлыг дэмжих тухай” хуулийн төслийг  Улсын Их Хурлын дарга З.Энхболдод өчигдөр өргөн барив.

Эдийн засгийн ил тод байдлыг дэмжих тухай хуулийн төслийг баталж хэрэгжүүлсний үр дүнд огт илрээгүй байсан орлого, хөрөнгө ил гарснаар цаашид тэдгээрт хууль тогтоомжийн дагуу татвар ногдох боломжтой болж, татварын суурь өргөсөх, санхүүгийн болон татварын хуурамч тайлангуудыг аливаа хүү торгуульгүйгээр залруулж, зөв гольдрилд оруулах чиглэлээр бодитой үр дүн гарна гэдгийг хууль санаачлагч танилцуулсан. Эдийн засгийн ил тод байдлыг дэмжих хүрээнд хамгийн өргөн хэрэглэгддэг арга хэмжээ нь татварын өршөөл юм.

Татварын өршөөл гэж улс орнууд татварын бааз сууриа өргөтгөх, далд эдийн засгийг бууруулах зорилгоор хэрэглэж буй арга хэмжээ бөгөөд төрөөс татвар төлөгчдөд төлөх ёстой татвараа тодорхой хугацаанд багтаан үнэн зөв мэдүүлж, төлсний үндсэн дээр эрүүгийн хэрэг үүсгэж, хариуцлага тооцохгүй байхаар өгч буй амлалт юм. Анх манай улсад 2007 онд энэ чиглэлийн хууль батлагдан хэрэгжсэн билээ.

2007 оны 12 дугаар сарын 28-ны өдөр батлагдсан “Татварын зарим хууль болон Нийгмийн даатгалын тухай хуулийг хэрэгжүүлэх тухай” хуулиар Хувь хүний орлогын албан татварын тухай, Аж ахуйн нэгжийн орлогын албан татварын тухай, Онцгой албан татварын тухай, Нэмэгдсэн өртгийн албан татварын тухай, Нийгмийн даатгалын тухай хуулийг хэрэгжүүлэхтэй холбогдуулан иргэн, хуулийн этгээд сайн дурын үндсэн дээр татвар төлөгчөөр бүртгүүлсэн буюу албан татвар ногдох орлого болон орлогоос бусад албан татвар ногдох бараа, ажил, үйлчилгээ, үйл ажиллагааг мэдүүлсэн тохиолдолд тэдгээрийг хариуцлага болон албан татвар, нийгмийн даатгалын шимтгэлээс нэг удаа чөлөөлөхтэй холбогдсон харилцааг зохицуулсан.

2008 оны 2 дугаар сарын 06-ны өдрийн Татварын өршөөлийн тухай хууль зарим этгээдийг албан татвар, нийгмийн даатгалын өр, төлбөрийн тодорхой хувиас болон эрүү, захиргааны хариуцлага, эрүүгийн ялаас нэг удаа чөлөөлөхтэй холбогдсон харилцааг зохицуулах зорилготой гарч хэрэгжсэн. Энэхүү хуулийн төсөлд татвар, нийгмийн даатгалаас гадна үл хөдлөх эд хөрөнгийн бүртгэл болон хуулийн этгээдийн бүртгэл, нягтлан бодох бүртгэл, хөрөнгө орлогын мэдүүлгийн талаар тусгаж, урьд гарч байсан хуулиудаас илүү өргөн хүрээг хамарсан зохицуулалт оруулж, үүний үр дүнд эдийн засгийн ил тод байдлыг бүрдүүлэх нэг удаагийн журмыг тодорхойлсон байна.

П.УНДРАМ
Оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • naraa 2014-06-11 08:23:20
    heregtei xuuli bolno
  • Ха 2014-06-10 22:52:14
    Хууль зөрчихөөд өршөөлийн хууль гаргуулдаг энэ системийг л жинхэнэ олигархи нийгэм гэнэ. яг үнэндээ татварын зарим байцаагчид ийм хууль гаргаж өгнө гээд хахууль авсан байгаа даа. үүнийг яагаад шалгахгүй байгаа юм бэ
  • dongos 2014-06-10 03:29:43
    uund hamaaraltai aj ahuin negj gedeg chini nogoo tom tom uls torchdiin biznis bdag biz dee. ingeed oorsdiigoo hamgaalaad huuli batlaad bdag uheeruud shuu dee. ard tumend heregtei huuliig bolohoor batlahgui huraldaa ch irdeggui malnuud
  • bgi 2014-06-10 03:03:29
    nuguu noat tailangiin luivar hiisen 2200 tom aj ahuin negjiin heregt zoriulsan zahialgiin huuli baina
  • baska 2014-06-10 02:05:22
    dahin neg bolomj olgoh zov baihaa. dald ediin zasag il bo. ach holbogdoltoi huuliin tosol ba daa. demjij ba
  • Munhu 2014-06-10 01:17:09
    Маш хэрэгтэй хуулийн төсөл байна.