Арслантай гүүр хийгээд Сэлбийн голын өнгөд жавхаа нэмсэн усан хөшиг нээгдээд удаагүй. Гүүрэн дээгүүр алхахад халуунд сэрүү татаад сайхан ч сонирхож харвал “ Өө хөөрхийдөө” гэж уулга алдмаар. Яагаад гэхээр нэг л арга ядсан, өнгө үзэмж гээд байх зүйлгүй. Зүгээр л хэдэн турба гагнаж, холбоод цоолоод л...болоо гэж үү гэмээр...
Олон нийтийн сүлжээгээр шүүмжлэх нь ч аргагүй санагдав.
Нийслэлийн Захирагчийн ажлын албанаас хотын хөрсний бохирдол, тоосжилтыг бууруулах зорилгоор хийсэн энэхүү ажил нэг талаараа урьд өмнө хийгдэж байгаагүй шинэлэг зүйл боловч, иргэдийн хүсэж хүлээсэн тэр л “усан хөшиг"-ийг гүйцээгүй бололтой.
Учир нь иргэд Араслантай гүүрийн усан хөшгийг гадны хөгжиж буй орнуудын усан хөшигтэй харьцуулан зургийг нь тавьж, ихээхэн шүүмжилж байна. Өнгө үзэмж муутайн дээр 7 бус 70 сая төгрөг зарцуулсан гэхээр иргэд тун дургүй байна. Үүнийхээ оронд улс орон мөнгөгүй байхад ганц цэцэрлэг барьж, эсвэл эмнэлэг барих төсөвтөө энэхүү мөнгөө нэмэрлэхэд яадаг байна гэсэн шүүмж маш их байна. Хэдэн турба холбож гагнаад л, нүхэлж ус гоожуулах байсан юм бол захын хөгшин ч хашаандаа хийнэ шүү дээ гэх хүмүүс ч байна.
Уул нь манайхан үүнийгээ Солонгосын Сөүл хот дахь “Banpo” гүүрийнхийг дуурайж хийсэн гэдэг ч туршлагагүй монголчуудад туршлага дутсан уу “нэг л тиймхэн".
Бүр усан хөшгийг “үнэндээ мөнгө угаасан нь илт болсон тул хариуцлага тооцож 70 сая төгрөгийг төсөвт буцаан төлөх ёстой” хэмээн бичиж, хоёр гүүрний харьцуулсан зургийг цахим хуудсанд шэйр хийцгээж байна.
Уул нь энэхүү усан хөшгийг хэн ч харсан аятайхан, цэвэрхэн “насны” зүйл хийчихсэн бол иргэд яалаа гэж ийн шүүмжлэх билээ.
Иргэдийн өдөр тутмын хэрэглээ ус, дулаан, цахилгааны үнэ өдрөөс өдөрт нэмэгдэж, бараа бүтээгдэхүүний үнэ "талийж" өгсөн энэ үед улсын хөрөнгийг турба гагнаж, цоолоход зарцуулж байгаа нь шүүмжлэхээс ч аргагүй. Тэгээд болоогүй ээ, иймэрхүү нүд хуурсан зүйлийнхээ нээлтэд дарга нар нь бөөн бөөнөөрөө очиж тууз хайчлахаас ичдэг болмоор байна шүү.
Гэхдээ одоо яая гэхэв. Өнгөрсөн борооны хойноос цув нөмрөтэй биш. Дараа дараагийнхаа хийх усан хөшгийг төсөв мөнгөнд нь тааруулаад өнгө үзэмжтэй, сайхан хийчихвэл болоо шүү дээ.
Олон нийтийн сүлжээгээр шүүмжлэх нь ч аргагүй санагдав.
Нийслэлийн Захирагчийн ажлын албанаас хотын хөрсний бохирдол, тоосжилтыг бууруулах зорилгоор хийсэн энэхүү ажил нэг талаараа урьд өмнө хийгдэж байгаагүй шинэлэг зүйл боловч, иргэдийн хүсэж хүлээсэн тэр л “усан хөшиг"-ийг гүйцээгүй бололтой.
Учир нь иргэд Араслантай гүүрийн усан хөшгийг гадны хөгжиж буй орнуудын усан хөшигтэй харьцуулан зургийг нь тавьж, ихээхэн шүүмжилж байна. Өнгө үзэмж муутайн дээр 7 бус 70 сая төгрөг зарцуулсан гэхээр иргэд тун дургүй байна. Үүнийхээ оронд улс орон мөнгөгүй байхад ганц цэцэрлэг барьж, эсвэл эмнэлэг барих төсөвтөө энэхүү мөнгөө нэмэрлэхэд яадаг байна гэсэн шүүмж маш их байна. Хэдэн турба холбож гагнаад л, нүхэлж ус гоожуулах байсан юм бол захын хөгшин ч хашаандаа хийнэ шүү дээ гэх хүмүүс ч байна.
Уул нь манайхан үүнийгээ Солонгосын Сөүл хот дахь “Banpo” гүүрийнхийг дуурайж хийсэн гэдэг ч туршлагагүй монголчуудад туршлага дутсан уу “нэг л тиймхэн".
Бүр усан хөшгийг “үнэндээ мөнгө угаасан нь илт болсон тул хариуцлага тооцож 70 сая төгрөгийг төсөвт буцаан төлөх ёстой” хэмээн бичиж, хоёр гүүрний харьцуулсан зургийг цахим хуудсанд шэйр хийцгээж байна.
Уул нь энэхүү усан хөшгийг хэн ч харсан аятайхан, цэвэрхэн “насны” зүйл хийчихсэн бол иргэд яалаа гэж ийн шүүмжлэх билээ.
Иргэдийн өдөр тутмын хэрэглээ ус, дулаан, цахилгааны үнэ өдрөөс өдөрт нэмэгдэж, бараа бүтээгдэхүүний үнэ "талийж" өгсөн энэ үед улсын хөрөнгийг турба гагнаж, цоолоход зарцуулж байгаа нь шүүмжлэхээс ч аргагүй. Тэгээд болоогүй ээ, иймэрхүү нүд хуурсан зүйлийнхээ нээлтэд дарга нар нь бөөн бөөнөөрөө очиж тууз хайчлахаас ичдэг болмоор байна шүү.
Гэхдээ одоо яая гэхэв. Өнгөрсөн борооны хойноос цув нөмрөтэй биш. Дараа дараагийнхаа хийх усан хөшгийг төсөв мөнгөнд нь тааруулаад өнгө үзэмжтэй, сайхан хийчихвэл болоо шүү дээ.
Г.Аянга
Olloo.mn