Аймгуудын баяр наадмын хуваарийг танилцуулж байна.
Архангай аймаг: Арын сайхан хангай нутгийн Хангай, Эрдэнэмандал сум түүхт 90 жилийн ойгоо энэ сарын 15-17-ны өдрүүдэд тэмдэглэн өнгөрүүлнэ.
Баянхонгор аймаг: Хонгор нутгийн Баянлиг, Богд сумдын ойн баяр наадам энэ сарын 29-нөөс наймдугаар сарын 01-ний өдрүүдэд тохиох юм.
Булган аймаг: Булган аймгийн Сайхан суманд энэ сарын 18-19-ний өдрүүдэд "Дөрвөн түмэн адууны баяр"-ыг тэмдэглэхээр болжээ. Мөн Булган аймгийн Баян-Агт сумын 90 жил, Хялганат сумын 40 жилийн ой долоодугаар сарын 29-31-ний өдрүүдэд болох юм.
Дорнод аймаг: Учир нь тус аймгийн Цагаан-Овоо, Баяндун, Дашбалбар сумд түүхт 90 жилийн ойгоо тэмдэглэх бол Хөлөнбуйр сум 60 жилийн ойгоо тэмдэглэх юм. Ойтой сумдын наадам энэ сарын 15-17-ны өдрүүдэд тохионо.
Дундговь аймаг: Дуу хуурын өлгий Дундговь нутгийн зон олон энэ сарын 26-27-ны өдрүүдэд наадна. Түүнчлэн тус аймгийн Баянжаргалан сум түүхт 90 жилийн ойгоо ирэх сарын 23-25-ны өдрүүдэд зохион байгуулах юм. Үүнээс гадна Мандалговь хотын 50 жилийн ой энэ жил тохиож байгаа ажээ.
Өвөрхангай аймаг: Өвөрхангай аймгийн Хархорин суманд энэ сарын 24-26-нд Өндөр гэгээний 380 жилийн даншиг наадам болох юм.
Өмнөговь аймаг: Өмнийн говийнхон энэ сарын 25-26-ны өдрүүдэд “Говь шанхын хурд”-аа зохион байгуулж, наадахаар болжээ.
Сүхбаатар аймаг: Сүхбаатар аймгийнхан энэ жил дэнж хотойтол наадамлана. Учир нь тус аймгийн зургаан сум түүхт 90 жилийн ойгоо тэмдэглэх юм. Тодруулбал, Халзан, Онгон, Наран, Дарьганга, Асгат, Баяндэлгэр сумд энэ сарын 17-19-ний өдрүүдэд ойгоо тэмдэглэх аж. Түүнчлэн энэ жил тус аймагт Зүүн бүсийн хурд зохион байгуулагдахаар болсон бөгөөд нутгийн зон олон энэ сарын 25-26-ны өдрүүдэд бүсийн хурдаар наадамлах болжээ.
Увс аймаг: Увс аймгийн ихэнх сум энэ жил түүхт 90 жилийн ойгоо тэмдэглэх юм. Тодруулбал, Завхан, Малчин, Сагил, Түргэн, Тариалан, Давс сумд түүхт ойгоо энэ сарын 18-19-ний өдрүүдэд зохион байгуулахаар болсон бол Увс аймгийн 90 жил энэ сарын 22-25-ны өдрүүдэд болно.
Ховд аймаг: Ховд аймгийн Чандмань сумынхан энэ сарын 25-26-ны өдрүүдэд наадамлана.
Хөвсгөл аймаг: Хөвсгөл аймгийн Төмөрбулаг сум 90 жилийн ойтой бөгөөд ойн наадам энэ сарын 19-20-ны өдрүүдэд тохиох аж.
Г.Уянга
olloo.mn
olloo.mn