Дундговьчууд шүтээн дуутай болно
Монгол ардын уртын дуу “Уяхан замбуутивийн наран”- г Дундговь аймгийн шүтээн дуу болгож тунхаглах тухай саналыг тус аймгийн Засаг дарга зөвлөлийн хурлаараа хэлэлцүүлэн, дэмжигджээ.

Улмаар аймгийн ИТХ- ын тэргүүлэгчдийн хуралд тогтоолын төсөл оруулахаар болсон байна.

Дундговь аймгаас төрсөн зууны манлай алдарт хоёр уртын дуучин Ж.Дорждагва, Н. Норовбанзад нар “Уяхан замбуутивийн наран” дууг гайхамшигтай сайхан дуулж, ЮНЕСКО- гийн соёлын өвд бүртгэгдэхэд үнэтэй хувь нэмэр оруулсан гэж үнэлэгддэг. 19- 20 дугаар зуунд халхын их дуучин М.Мөрренчин, М. Жунай, Төмөр, Ж. Дорждагва, Н. Норовбанзад нар энэ дууг дуулж ирсэн бөгөөд алдарт дуучин Ж. Дорждагвын зааж өгснөөр Н. Норовбанзад дуулж дэлхий даяар энэ дууг “Нарны дуулал” болгон түгээсэн гавъяатан гэж урлагийн түүхэнд мөнхөрчээ.

Тэрээр 1993 онд Фукуокогийн Азийн Соёлын шагнал хүртээд “Уяхан замбуутивийн наран”-г дуулахад танхим даяар доргин хөдлөх лугаа болж байсан тухай судлаачийн тэмдэглэсэн нь ч бий.

Ямар ч атугай Дундговь нутгаас төрсөн алдарт хоёр уртын дуучны нэг нь нөгөөдөө зааж өгч дуулуулснаар дэлхий даяар түгэн алдаршиж, улмаар ЮНЕСКО- гийн соёлын өвд багтсан “Уяхан замбуутивийн наран” дууг Дундговьчууд шүтээн дуу хэмээн тунхаглахаар зэхэж байна.
Өглөөний сонин
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • d 2015-07-03 16:38:34
    Erguu malnuudaa duugaaa duulaad sonooroi hurdan
    122.201.21.143
    Мэдэгдсэн Хариулах