Ойрхи Дорнодын амьсгалын замын титэм вирусийн халдвар авсан гурван тохиолдол өчигдөр Өмнөд Солонгост гарсан байна. Ингээд тус улсад халдвар авсан хүний тоо 169 болжээ. Үүнээс өмнө халдвар авсан хүний тоо 166, нас  барсан хүний тоо 25 байсан юм. Халдвар авагчдын нэг нь Сөүлийн анагаах ухааны “Samsung” төвийн ажилтан байсан бөгөөд өвчлөлийн анхны тохиолдлыг энд илрүүлсэн байдаг юм. Энэ вирусийн халдварын эсрэг вакцин одоогоор бий болоогүй байна. Дэлхийн хэмжээнд энэ сарын 16-ны байдлаар халдвар авсан 1321 тохиолдол бүртгэгдэж 450 хүн амиа алдаад байгаа юм.