БНСУ-д MERS вирусээр  халдварлагсдын тоо нэмэгдсээр 87-д хүрч, зургаан хүн амь насаа алдаад байна. Өмнө нь зөвхөн насанд хүрэгчид энэ вирусээр өвчилж байсан бол өчигдөр анх удаа хүүхэд халдварлан эмнэлэгт хүргэгджээ.
 
БНСУ-д өвчний тархалтын эсрэг боломжит бүх арга хэмжээг авсаар байгаа бөгөөд өчигдрөөс эхлэн 1869 сургуулийг хаасан байна.
 
Мөн 2300 хүнийг тусгаарлаад байгаа ажээ. Амьсгалын замаар халдварладаг энэ аюултай вирусийн эсрэг ямар нэг вакцин, эмчилгээ одоогоор байхгүй байна.