Архангай, Увс, Сэлэнгэ, Дархан-Уул, Ховд, Хэнтий зэрэг аймагт, Улаанбаатар хотод “Буянт-Ухаа I” хороолол, “Буянт-Ухаа II“ хорооллын нэгдvгээр хэсэг нийт 5156 айлын орон сууцны 297 тэрбум төгрөгийн төсөл эхлvvлжээ. Vvнээс 197 тэрбум төгрөгийн хөрөнгө оруулалт хийгээд буй аж. Мөн энэ онд Засгийн газар “Буянт-Ухаа II” хорооллын хоёрдугаар хэсэг, VII хороолол, гэр хорооллын дахин төлөвлөлтийн хvрээнд “Эко-Яармаг” төсөл, Багануур дvvрэг, Говь-Алтай, Хөвсгөл, Орхон аймагт нийт 10709 айлын орон сууцны 814 тэрбум төгрөгийн төслийг эхлvvлэхээр болжээ.

Нийслэлд гэр хорооллын дахин төлөвлөлтийн инженерийн дэд бvтцийн барилга байгууламж, шугам сvлжээний угсралтын ажлыг улс, нийслэлийн төсвийн хөрөнгө оруулалтаар 14 байршлын 27 хэсэгчилсэн талбайд гvйцэтгэж байна. Vvний 8 байршлын 14 хэсэгчилсэн талбайд орон сууцны хорооллын цахилгаан, дулаан, цэвэр, бохир ус ариутгах татуурга, холбооны иж бvрэн ажлын зургийг боловсруулаад байгаа юм. Тvvнчлэн Хан-Уул дvvргийн VIII хорооны нутаг дэвсгэрт “Шинэ Яармаг” төслийг хэрэгжvvлэхээр Хөгжлийн банкнаас ТОСК-аар дамжуулан 50 сая ам.долларын хөрөнгө оруулахаар болсон байна. Мөн 1680 айлын орон сууцны “Эко-Яармаг” төслийн санхvvжил­­тийг БНТУ-ын “EYG Групп” компани өөрийн хөрөнгөөр барихаар тохиролцож, “Хөрөнгө оруулалтын хамтын ажиллагааны гэрээ” байгуулаад буй аж.