Тэтгэврийн зээлийн хүүг бууруулахыг шаардав
Өчигдөр Нийгмийн бодлого, боловсрол, соёл, шинжлэх ухааны байнгын хорооны хуралдаан хойшилсон. Тус байнгын хорооны хуралдаанаар "Төрөөс тэтгэврийн шинэчлэлийн талаар баримтлах бодлого батлах тухай” УИХ-ын тогтоолын төслийг хэлэлцэх байсан. Гэвч уг асуудлыг хэлэлцэх үед МАН-ын бүлгийн гишүүд хуралдааныг орхин гарсан. Үүнтэй холбогдуулан УИХ- ын гишүүн Я.Содбаатар мэдээлэл хийхдээ "Нийгмийн бодлого, боловсрол, соёл, шинжлэх ухааны байнгын хорооны хуралдаанаар Нийгмийн даатгалын үндэсний зөвлөлийн мэдээллийг сонсох байсан. Одоогоос 20 гаруй хоногийн өмнө манай байнгын хороогоор Нийгмийн даатгалын үндэсний зөвлөлийн мэдээллийг сонсох үеэр тэтгэврийн зээлийн хүүг бууруулах асуудлаар 14 хоногийн хугацаатай санал боловсруулж оруулж ирэхийг үүрэг болгосон. 14 хоногийн хугацаа нь өнгөрөөд, дахиад 14 хоног болж байна. Нийтдээ 20 гаруй хоног өнгөрч байна. Тиймээс байнгын хорооноос хугацаатай үүрэг болгосны дагуу холбогдох яам тэтгэврийн зээлийг бууруулах асуудлаарх саналыг оруулж иртэл байнгын хорооны хуралдаан орохгүй. Энэ долоо хоногт юм уу эсвэл дараа долоо хоногт хуралдах байнгын хорооны хуралдаанаар тэтгэврийн зээлийн хүүг бууруулах асуудлыг оруулж ирж хэлэлцүүлсний дараа хуралдаанд оролцох боломжтой.
 
Арилжааны банкуудад тэтгэврийн зээлийн хүү 18- 24 хувьтай байна. Өнөөдөр нийт тэтгэвэр авагч 200 гаруй мянган иргэдийн 90-ээд хувь нь тэтгэврийн зээлтэй байгаа. Тэтгэврийн зээлтэй холбоотой хэд хэдэн асуудал байгаа юм. Тухайлбал, нас барсан хүний тэтгэврийн зээлийг үр хүүхдүүд нь төлж байгаа гэх мэтчлэн зээлтэй холбоотой банкин дээр явж байгаа олон асуудал байна. Тиймээс энэ асуудлыг хариуцаж байгаа НДЕГ, Нийгмийн даатгалын үндэсний зөвлөл шийдэл гарах хэрэгтэй гэсэн шаардлагыг тавьж байна" гэсэн юм.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • одоо 2015-05-28 03:56:37
    Номтойбаярын санаачилсан нийгмийн даатгалын шимтгэлийн хуримтлал болох 450 тэрбум төгрөгийг жилийн 11 хувийн хүүтэй байршуулж байна. Хуучин 15% хүүтэй байна
    • одоо 2015-05-28 03:57:55
      Тэр бага хүүтэй мөнгийг хөгшчүүдийн тэтгэврийг бууруулахад зарцуулах хэрэгтэй.
  • одоо 2015-05-28 03:21:06
    Тэтгэврийн хөгшчүүдийг бүгдийг нь өрөнд оруулж,санаа сэтгэлээр хурдан явуулах санаачлага байна
  • zochin 2015-05-28 02:10:56
    banknuudiin zeeliig MAN nam meddeg yum bol belen mongo zeelsen 1 hubiin zeeliig zogsooj ogooch