"World masters" тэмцээний эмэгтэйчүүдийн 57кг-д "В" хэсгийг тэргүүлэн барилдсан ОУХМ Д.Сумъяа алтан медаль хүртлээ. Финалын барилдаанд Францын тамирчин торгуулиар ялж дэлхийн шилдгүүдийн "World Masters" тэмцээний хошой аварга боллоо.
"Мастерс" тэмцээнээс Монголын жүдочдын долоо дахь алтан медалийг эх орондоо авчирлаа. Монголын жүдочдоос ОУХМ С.Мияарагчаа "Мастерс" тэмцээнээс хос алтан медальтай цор ганц жүдоч байсан бол энэхүү жагсаалтад Д.Сумъяа орж ирлээ.
Энэ өдөр "World masters" тэмцээний эмэгтэйчүүдийн 48кг-д зодоглосон дэлхийн аварга Мөнхбатын Уранцэцэг алтан медаль хүртээд байсан юм. Ийнхүү Морокко улсын Рабат хотод Монголын хүчирхэг хоёр бүсгүй алтан соёмбот далбаагаа мандуулж, төрийн дуулалаа дараалан эгшиглүүлээд байна.
Ами
Olloo.mn