“Эрүүл хөрс-эрүүл хүнс” сарын аяны хүрээнд Нийслэлийн Мэргэжлийн хяналтын газрын дэд даргын баталсан 2015 оны 02-03/361 дугаартай удирдамжийн дагуу Монгол улсын “Малын удмын сан, эрүүл мэндийг хамгаалах тухай”, “Хүнсний тухай”, “Хүнсний бүтээгдэхүүний аюулгүй байдлыг хангах тухай”, “Хэрэглэгчдийн эрх ашгийг хамгаалах тухай” хууль, “Төв суурин газарт сүү цагаан идээ худалдан борлуулах журам”-ын хэрэгжилт, төмөр замаар нийслэлийн хүн амын хүнсний хэрэгцээнд хөдөө орон нутгаас нийлүүлэгдэж буй сүү, сүүн бүтээгдэхүүний чанар, аюулгүй байдалд үнэлэлт өгөх зорилгоор Нийслэлийн Мэргэжлийн хяналтын газар, Хэрэглэгчдийн эрх ашгийг хамгаалах нийгэмлэгтэй хамтран 2015 оны 05 дугаар сарын 20-ны өдөр Улаанбаатар-Зүүн-Хараа  чиглэлийн галт тэргэнд шинжилгээтэй хяналт шалгалт хийлээ.

Шалгалтын явцад төмөр замаар нийслэлийн хүн амын хүнсний хэрэгцээнд хөдөө орон нутгаас нийлүүлэгдэж буй сүү, сүүн бүтээгдэхүүнийг шалгахад мал эмнэлэг, ариун цэврийн гарал үүслийн гэрчилгээгүй, баталгаажилтгүй, зориулалтын бус саванд савлан тээвэрлэж байна. Иргэн Б.Нямдорж, Б.Нарантуяа, Ш.Чулуун-Отгон, Н.Нэргүй нарын хүнсний хэрэгцээнд хөдөө орон нутгаас нийлүүлэгдэж буй сүүний чанар, аюулгүй байдлыг газар дээр нь шинжилгээ хийлгэхэд Б.Нарантуяагийн 18 литр сүү нь 10%-ийн усны хольцтой байсан зэрэг зөрчлүүд илэрчээ.
 

Ами
Olloo.mn