Хуулиа биелүүлээгүй ХК-иудад СЗХ арга хэмжээ авчээ
Санхүүгийн зохицуулах хорооноос зарим хувьцаат компаниудын төлөөлөл удирдах зөвлөлийн эрхийг хязгаарлажээ. Учир нь тус компаниуд хувьцаат компанийн тухай хуульд заасны дагуу хувьцаа эзэмшигчдийн хурлаа цаг тухайд нь хуралдуулж энэ тухай тайлангаа тус хороонд ирүүлээгүй юм байна. Компанийн тухай хуулийн 59.5-д зааснаар доорх нэр бүхий ХК-иудын төлөөлөн удирдах зөвлөл нь хувьцаа эзэмшигчдийн хурлыг зарлан хуралдуулахаас бусад бүрэн эрхгүй болсныг Санхүүгийн зохицуулах хорооноос мэдээллээ.

Компанийн тухай хуулийн 59.6-д зааснаар дээрх компаниудын ТУЗ-ийн бүрэн эрх нь дуусгавар болсон өдрөөс хойш байгуулсан гэрээ, хэлцэл хүчин төгөлдөр бус болохыг тус компаниудын хувьцаа эзэмшигч, удирдлага, харилцагч байгууллага болон бусад холбогдох этгээдүүд анхаарна уу.
Санхүүгийн зохицуулах хорооноос хувьцаат компаниудын засаглал, мэдээллийн болон санхүүгийн тайлагналын ил тод байдлыг сайжруулах, холбогдох хууль тогтоомжийн хэрэгжилтийг хангуулах чиглэлд онцгой анхаарал хандуулан ажиллаж байгаа бөгөөд хууль тогтоомж зөрчсөн этгээдэд холбогдох хариуцлагыг хүлээлгэх болно. 

Компанийн тухай хуулийн 59 дүгээр зүйлийн 59.4-т заасны дагуу хувьцаат компанийн төлөөлөн удирдах зөвлөл (ТУЗ) нь тухайн компанийн хувьцаа эзэмшигчдийн ээлжит хурлыг санхүүгийн жил дууссанаас хойш дөрвөн сарын дотор буюу жил бүрийн 5 дугаар сарын 01–ний өдрөөс өмнө зарлан хуралдуулсан байх үүрэгтэй байдаг.

Хувьцаа эзэмшигчдийн ээлжит хурлаар тухайн компанийн жилийн үйл ажиллагааны болон санхүүгийн тайлангийн талаарх мэдээлэл, дүгнэлтийг хэлэлцэж баталдаг учир хувьцаа эзэмшигчдийн хувьд компанийхаа үйл ажиллагааны болон санхүүгийн байдал, үр ашгийн тухай мэдээлэл авах, мөн түүнчлэн компанийн ТУЗ-ийн гишүүд, гүйцэтгэх удирдлагатай нүүр тулан уулзаж асуулт асууж хариулт авах замаар хувьцаа эзэмшигчийн нийтлэг эрхээ хэрэгжүүлдэг.

Өөрөөр хэлбэл жижиг хувьцаа эзэмшигчдийн хувьд компанийн хувьцаа эзэмшигчдийн ээлжит хурал нь санал өгөх эрхээ хэрэгжүүлэх, мэдээлэл авах боломжийг олгодог.

Компанийн тухай хуулийн 65 дугаар зүйлийн 65.3 болон Санхүүгийн зохицуулах хорооны 2012 оны 34 дүгээр тогтоолоор батлагдсан “Хувьцаат компанийн хувьцаа эзэмшигчдийн хурлын зар хүргэх тухай журам”-ын дагуу хувьцаа эзэмшигчдийн хурлыг зарлан хуралдуулж, дээрх журам болон Үнэт цаасны зах зээлийн тухай хуулийн 20 дугаар зүйлийн 20.1.8-д заасны дагуу нээлттэй хувьцаат компани нь хувьцаа эзэмшигчдийн хурлын шийдвэрийг нийтэд нэн даруй мэдээлж, холбогдох баримт бичиг, мэдээллийг хурал хуралдуулсанаас хойш ажлын гурван өдрийн дотор Санхүүгийн зохицуулах хороонд ирүүлэх үүрэг хүлээсэн байдаг.

Нийт ХК-иудын хуулиар хүлээсэн үүргийн хэрэгжилт, үйл ажиллагааны болон санхүүгийн тайлангийн мэдээлэл, ногдол ашгийн талаарх дэлгэрэнгүй мэдээлэлтэй www.frc.mn, www.mse.mn  цахим хуудсанд хандан танилцах боломжтой.  

Өнгөрсөн хугацаанд Санхүүгийн зохицуулах хорооноос хууль тогтоомжийн хэрэгжилтийг хангуулах зорилгоор шат дараалсан арга хэмжээнүүдийг авч хэрэгжүүлсэний үр дүнд Монголын хөрөнгийн бирж дээр үнэт цаас нь арилжаалагдаж буй нийт 169 ХК-иас 2015 оны 5 дугаар сарын 21-ний өдрийн байдлаар 149 ХК буюу 88.2 хувь нь хуульд заасан хугацаанд хувьцаа эзэмшигчдийн хурлаа зарлан хуралдуулсан дүнтэй байгаа нь өнгөрсөн оны мөн үетэй харьцуулбал 9.6 хувиар өссөн үзүүлэлттэй байна.

Мөн нийт хувьцаат компанийн 79.3 хувь буюу 134 ХК 2014 оны жилийн эцсийн санхүүгийн тайлангаа Санхүүгийн зохицуулах хороонд ирүүлсэн дүнтэй байна. 
 
 Хувьцаа эзэмшигчдийн хурал хуралдуулаагүй хувьцаат компаниудын жагсаалт
Хувьцаат компанийн нэр Байршил
1 Ар тархи ХК
Хөвсгөл аймаг, Тариалант сум
Утас: 976-99702609
Захирлын нэр: М. Дөл
2 Арилжаа импекс ХК Стандарт ноос
Баянхонгор сум
Захирлын нэр: Ё.Энхтөр
3 Баянталбай ХК Дорнод аймаг, Чойбалсан сум
Захирлын нэр: В. Доржханд
4 Бороогийн үйлдвэр ХК  Сэлэнгэ аймаг
5 Бүтээлч үйлч ХК
Улаанбаатар, Налайх, 2-р хороо
Утас: 976-033-3217
Факс: 70233217
Захирлын нэр: Г. Тамир
6 Глобал Монголиа Холдингс ХК Хаяг: Улаанбаатар хот, Сүхбаатар дүүрэг, 1-р хороо, Чин Ван Чагдаржавын гудамж, Махаяана төв, 2 давхарт 
Утас: 976-11-325441
Факс: 976-11-325441
Захирлын нэр: С. Бямбаасүрэн
И-мэйл: info@gmh125.com
Вэб хуудас: gmh125.com
7 Дархан хөвөн ХК  Дархан-Уул аймаг, Дархан сум, 15-р баг
Утас: 976-99151413
Факс: 99161676
Захирлын нэр: Б. Байгаль
8 Дөрвөн-уул  ХК Улаанбаатар, Баянзүрх дүүрэг, Амгаланбаатар-32
Утас: +976-11-458753
Захирлын нэр: Ж. Цэвээнжав
9 Ёврофе Азиа ХК /Солонго экспрес/ Улаанбаатар, Баянгол дүүрэг 4-р хороо
Утас: 976-11-342426
Факс: 342426, 342283
Захирлын нэр: Себастиан Марнёр
10 МҮДИКС ХК  УБ БГД 12-р хороо 6-р бичил хороолол, 28-р сургуулийн баруун гар талын хашаа
Утас: 360205
Факс: 360205
Захирлын нэр: Б. Батболд
Вэб хуудас: Mudix.mn
11 Өргөн хэрэглээ ХК Баян-Өндөр сум
Захирлын нэр: Д. Лхагвадорж
12 Увс хүнс ХК Увс аймаг, Улаангом сум
Факс: 70454570
Захирлын нэр: О. Амартүвшин
13 Улаансан ХК Увс аймаг, Баруун урт сум
Захирлын нэр: Ж. Түмэнбаяр
14 Уран барилга ХК  УБ, БГД 18-р хороо
Утас: 976-11-685045
Захирлын нэр: Д. Ганбат
15 Харшийн гэгээ Өвөрхангай Арвайхээр сум
Утас: 22140
Захирлын нэр: Р. Энхтуяа
16 Хуртай ХК Дархан уул аймаг, Орхон хороо
Утас: +976-01372-27235
Захирлын нэр: Н. Батболд
17 Цагаан Чулуут ХК Хөвсгөл аймаг, Мөрөн сум 
Утас: 976-99503756
Захирлын нэр: Р. Хүрэлбаатар
18 Чандмань тал ХК Дорнод аймаг Чойбалсан сум
Утас: 976-11-21454
19 Эрдэнэт-Зандан ХК Орхон аймаг, Баян Өндөр сум
Захирлын нэр: Н. Данжаад
20 Эрчим Баян-Өлгий Баян Өлгий аймаг, Өлгий сум
Утас: 976-99422599
Захирлын нэр: Д. Мурат
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.