Хөвсгөл аймгийн ИТХ-аас нэгэн чухал шийдвэрийг гаргажээ. Энэ нь 50-р өргөргөөс хойшхи нутагт хамаарах газар нутгийг аймгийн тусгай хэрэгцээнд авах тухай ИТХ-ын 2009 оны 06 сарын 01-ны өдрийн №01-р дугаарт тогтоолын 5 жилийн хугацаа дууссаныг үргэлжлүүлэн 25 жилээр сунгасан явдал байв. Ингэснээр уг бүс нутагт түгээмэл олдоцтойгоос бусад байгалийн баялгийг ашиглах боломжгүй болж байгаа бөгөөд уул уурхай, ашигт малтмалын хайгуул, олборлолтын үйл ажиллагаа явуулах боломжгүй болж байгаа юм. Дэлхийн эко системд чухал үүрэг гүйцэтгэдэг Алтай Саяны салбар уулсын нэг хэсэг болсон энэхүү бүс нутаг нь цэвэр усны нөөцийн эх ундаргыг бүрдүүлдэг юм. Байгалийн өвөрмөц тогтоц, ан амьтан бүхий уг 50-р өргөрөг нь нийт 14 сумын нутгийг хамарч байгаа бөгөөд аялал жуулчлалын тулгуур төв болсон бөгөөд тус аймгийг зорин ирэх жуулчдын ихэнхи нь уг бүс нутгаар аялдаг аж.
Хуралдаанд Иргэний нийгмийн байгууллагын төлөөлөл, уг газар нутагт хамаарах сумдын удирдлагууд, байгаль хамгаалагч нар, Улсын дархан цаазат газруудын хамгаалалтын захиргааны удирдлагууд, гол мөрнүүдийн ай сав газрын дарга нар, ажлын хэсэгт орж ажилласан Байгаль орчны газар, нийгмийн хөгжлийн хэлтэс зэрэг олон байгууллагын хүмүүс оролцжээ. Мөн уг бүс нутагт хамаарч буй Цагаан нуур суман дахь Бярангийн хаш чулууны орд, Улаан-Уул сумын нутагт байх Мангушийн нүүрсний ордыг уг хамгаалалтын бүсээс салгаж орон нутгийн хэрэгцээнд ашиглах тухай дээрхи сумдын удирдлагуудын хүсэлтийг уг хуралдаанаар олон талаас нь ярилцсаны эцэст ашиглахгүй байх шийдвэрийг гаргажээ.
Хуралдаанд Иргэний нийгмийн байгууллагын төлөөлөл, уг газар нутагт хамаарах сумдын удирдлагууд, байгаль хамгаалагч нар, Улсын дархан цаазат газруудын хамгаалалтын захиргааны удирдлагууд, гол мөрнүүдийн ай сав газрын дарга нар, ажлын хэсэгт орж ажилласан Байгаль орчны газар, нийгмийн хөгжлийн хэлтэс зэрэг олон байгууллагын хүмүүс оролцжээ. Мөн уг бүс нутагт хамаарч буй Цагаан нуур суман дахь Бярангийн хаш чулууны орд, Улаан-Уул сумын нутагт байх Мангушийн нүүрсний ордыг уг хамгаалалтын бүсээс салгаж орон нутгийн хэрэгцээнд ашиглах тухай дээрхи сумдын удирдлагуудын хүсэлтийг уг хуралдаанаар олон талаас нь ярилцсаны эцэст ашиглахгүй байх шийдвэрийг гаргажээ.
Б.Сансартуяа
Оллоо.мн