Улсын хэмжээнд улаанбурхан өвчний сэжигтэй 6727 тохиолдол бүртгэгдээд байна. Нийслэл болон Өвөрхангай, Өмнөговь, Дархан-Уул, Дорноговь, Хөвсгөл, Булган, Сэлэнгэ, Баянхонгор, Завхан, Дундговь, Говь-Алтай, Баянхонгор, Хэнтий, Баян-Өлгий аймагт 508 хүн лабораторийн шинжилгээгээр, 752 хүн эпидемиологийн холбогдол, эмнэлзүйн шинж тэмдгээр батлагджээ.
 
Харин дархлаажуулалтад улсын хэмжээгээр 110.925 хүүхэд хамрагдаж, хамралт 30 хувьтай байгаа аж. Гэтэл улаанбурханы нэмэлт дархлаажуулалт энэ сарын 25-ны өдрөөр дуусгавар болох гэж байна. Өөрөөр хэлбэл дархлаажуулалтад хамрагдах ёстой хүүхдүүд бүрэн хамрагдаж амжихгүй нь гэж ойлгогдож байна. Тиймээс Эрүүл мэндийн яамнаас дархлаажуулалтын хугацааг сунгах арга хэмжээ авах болов уу.