Зэсийн экспорт өсчээ
Монголбанкнаас дөрөвдүгээр сарын байдлаар Монголын эдийн засгийн үзүүлэлтүүдийг дүгнэн гаргажээ. Уг үзүүлэлтэд дурдсанаар экспорт өнгөрсөн оны мөн үеэс өссөн байна. Харин үүнд ашигт малтмалын бүтээгдэхүүний экспортын өсөлт нөлөөлжээ.

Ашигт малтмалын бүтээгдэхүүний нийт экспортод эзлэх хувь өмнөх оны мөн үеэс 1.0 нэгж хувиар буурч нийт экспортын 88%-ийг бүрдүүлсэн байна. Чулуун нүүрс, зэсийн баяжмал, төмрийн хүдэр ба баяжмал, боловсруулаагүй нефть гэсэн голлох 4 түүхий эдийн экспорт ашигт малтмалын экспортын 83%, нийт экспортын 73%-ийг тус тус эзэлж байна. Түүнчлэн энэ 4 бүтээгдэхүүний ашигт малтмалын экспортод эзлэх хувь 5.6 нэгж хувиар, нийт экспортод эзлэх хувь 5.9 нэгж хувиар тус тус буурсан байна.

Экспорт өнгөрсөн оны мөн үеэс 1.4%-иар өссөн бөгөөд уг өсөлтийн 0.2%-ийг ашигт малтмалын экспортын өсөлт бүрдүүлсэн байна. Гол нэрийн бүтээгдэхүүний ангиллаар авч үзвэл зэсийн баяжмалын экспортын өсөлт нь уг бүлгийн өсөлтийн 10%-ийг бүрдүүлжээ.Харин чулуун нүүрс, төмрийн хүдэр, боловсруулаагүй нефтийн экспорт өнгөрсөн оны мөн үеэс харгалзан 29%, 35%, 40%-иар буурсан нь уг бүлгийн өсөлтийг 14%-иар бууруулжээ.

Бусад бараа бүтээгдэхүүний экспорт өсөхөд машин механик тоног төхөөрөмжийн дахин экспорт болон тунгаасан зэсийн экспорт голлон нөлөөлсөн аж.

Экспортын бүтээгдэхүүн тоо хэмжээний өсөлтөөс шалтгаалж 216.1 сая ам.доллараар өссөн бол үнийн өөрчлөлтөөс шалтгаалж 196.3 сая ам.доллараар буурснаар нийт дүнгээр 19.8 сая ам.доллараар өссөн байна. Бүлэг тус бүрээр авч үзвэл ашигт малтмалын экспортын хувьд зэсийн баяжмалын тоо хэмжээ, боловсруулаагүй нефть, алтны тоо хэмжээ өссөнөөс шалтгаалж экспорт 255 сая ам.доллараар өссөн бол чулуун нүүрсний экспортын тоо хэмжээ буурсан, мөн чулуун нүүрс, төмрийн хүдэр, боловсруулаагүй нефтийн үнэ буурснаас шалтгаалж экспорт 242 сая ам.доллараар буурсан байна.

Ямааны угаасан ноолуурын үнэ, тоо хэмжээ буурснаар уг бүлгийн экспорт 31.4 сая ам.доллараар буурсан. Харин бусад экспортын бүтээгдэхүүний хувьд үнэ болон тоо хэмжээ өссөнөөр өмнөх оны мөн үеэс харгалзан 48.4 сая ам.доллараар экспорт өссөн байна.
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.