Дундговь аймаг хууль бус Засаг даргатай болоод нэг жил болж байна гэв
Дундговь аймгийн ИТХ-ын төлөөлөгчдийн төлөөлөл өнөөдөр хэвлэлийн хурал зарлаж тус аймагт хууль бусаар сонгогдсон Засаг дарга С.Од-Эрдэнийн талаар мэдээллээ.
 
2012 оны орон нутгийн сонгуулийн үр дүнгээр Дундговь аймгийн Засаг даргаар С.Сүхбаатар хууль ёсоор сонгогдон томилогдсон цагаас эхлэн түүнийг огцруулах улстөржсөн хууль бус үйл ажиллагаа эхэлжээ. Анхлан өмнөх Ерөнхий сайд Н.Алтанхуяг аймгийн ИТХ-ын хууль бус бичигт үндэслэсэн С.Сүхбаатарыг огцруулах 188 тоот захирамж 2013 оны 12-р сарын 6-ны өдөр гаргаж өнөөдрийг хүртэл үргэлжилж байгаа маргааны эхлэлийг тавьсан түүхтэй. Энэ шийдвэрийг Захиргааны хэргийн хоёр шатны шүүх түдгэлзүүлсэн байдаг. Энэ шүүхийн шийдвэрийн дагуу Ерөнхий сайд Н.Алтанхуяг хууль бус 188 тоот захирамжаа 2014 оны 6-р сарын 2-ны өдөр хүчингүй болгожээ. Тэгсэн атлаа мөн өдрөө 75 тоот шинэ захирамж гаргаж С.Сүхбаатарыг дахин огцруулж, оронд нь хуулийн шаардлага хангаагүй С.Од-Эрдэнийг томилох шийдвэрийг 2014 оны 5-р сарын 24-ны өдрөөр огноолсон ИТХ-ын 03, 04 тоот тогтоол гэх хууль бус, ээлжит хуурамч бичигт үндэслэн гаргасан байна.
 
ИТХ-ын тогтоолууд гэх энэхүү бичгүүдийг хууль бус, хуурамч гэдгийг энэ сарын 4-нд Захиргааны хэргийн 9-р шүүхийн шийдвэр баталжээ. Тодруулбал, Засаг дарга С.Сүхбаатарыг огцруулах асуудлыг Дундговь аймгийн ИТХ хуралдаанаараа огт хэлэлцээгүй атлаа хэлэлцэж санал хураалтаар огцруулсан мэтээр хуурамч бичгийг бүрдүүлсэн байжээ. Ийнхүү Дундговь аймагт хууль гэдэг гууль болжээ. Иймд Дундговь аймгийн ИТХ-ын төлөөлөгчдийн төлөөлөл Ерөнхий сайд Ч.Сайханбилэг нарт хандан Засаг даргыг томилсон хууль бус захирамж шийдвэрийг хүчингүй болгох хүсэлт гаргаж байгаа ажээ.
 
Дундговь аймагт хэт улстөржилтөөс үүдсэн төрийн албаны халаа сэлгээ хэтийдэж тус аймгийн удирдлагууд бүгд үүрэг гүйцэтгэгч болж төрийн ажиллах чадамж буурчээ. Түүнчлэн төсвийн мөнгийг хууль бусаар хяналтгүйгээр зарцуулах нь газар авсныг хэвлэлийн хуралд ирсэн төлөөлөгчид хэлж байлаа. Эдгээрээс шалтгаалан Дундговь аймаг өрсөлдөх чадвараа улам бүр алдаж хоёр жил дарааллан судалгаагаар сүүл мушгиж байгаа аж. Үүнээс гарах гарц нь тус аймгийн хууль ёсны удирдлагыг ажиллах нөхцөл бололцоогоор хангах явдал бөгөөд аймгийн иргэдийн эрх ашиг шударга ёсыг шаардаж байгаа юм байна. 
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • САЙНАА 2015-05-19 06:51:16
    ОД-ЭРДЭНЭ ДАРГАД АМЖИЛТ ХҮСЬЕ. АЙМГИЙН МАН-ЫНХАН СҮХБААТАРАА ӨӨРСДӨӨ ЗАЙЛУУЛАХ ХҮСЭЛТЭЙ БСН ТУЛ ТАНЫГ СОНГОСОН ГЭЖ ОЙЛГОЖ БГАА , АМЖИЛТ ХҮСЬЕ............. ХАР...
    103.26.192.146
    Мэдэгдсэн Хариулах