Ашигт малтмалын газраас хайгуулын тусгай зөвшөөрөл олгосоор байгаа. Нийт 31 сая га талбай буюу нийт нутгийн 19.9 хувьд тусгай зөвшөөрөл олгохоос 20.9 сая га талбайд өргөдлийн журмаар тусгай зөвшөөрөл олгохоор шийдвэрлэсэн.

Тэгвэл өнөөдрийн байдлаар 119 тусгай зөвшөөрөл олгогдоод байгаа аж. Энэ нь нийт хайгуулын тусгай зөвшөөрөл олгогдох газар нутгийн 6.9 хувийг эзэлж байгаа юм. Харин тусгай зөвшөөрөл авсан эзэмшигчдийн дөрөвний гурав нь дотоодын хөрөнгө оруулагч байна. Мөн олгогдсон тусгай зөвшөөрлийн гуравны нэг нь алтны орд, 18 хувь нь нүүрсний орд байна гэж АМГ-аас мэдээлсэн байна.