Ерөнхий сайд “Байгаль хамгаалах нөхөрлөлүүдийн үндэсний чуулган”-д илгээлт ирүүллээ
Байгаль орчин, ногоон хөгжил, аялал жуулчлалын яамнаас  “Байгаль хамгаалах нөхөрлөлүүдийн үндэсний чуулган"-ыг Төрийн ордонд зохион байгуулж байна.

Иргэдийн байгаль хамгаалах хандлага, ухамсартай үйл ажиллагаа, идэвхтэй оролцоо, хамтын ажиллагаа эрс идэвхжин шинэчлэгдэж, улсын хэмжээнд 40 гаруй мянган иргэнийг нэгтгэсэн 1600 гаруй нөхөрлөл 8,2 сая га талбайг хариуцан хамгаалж, үйл ажиллагаа явуулж байна.  
Чуулганд оролцогчдод хандаж Монгол Улсын Ерөнхий сайд Ч.Сайханбилэгийн ирүүлсэн илгээлтийг Ерөнхий сайдын зөвлөх Б.Ургамалцэцэг уншиж, гардууллаа.

Уг илгээлтэд “Засгийн газраас улс орныхоо хөгжлийг хангах, эдийн засгийн өсөлтийг дэмжих бодлогыг хэрэгжүүлэхдээ байгалийн нөөц баялгийг түүний даац чадавхад нь нийцүүлэн зохистой ашиглах, нөхөн сэргээх замаар экологийн тэнцвэрийг хадгалах, орчны бохирдол, доройтлоос хамгаалах  зорилтыг гол хандлагаа болгон ажиллаж байна.

Нутгийн  иргэдийнхээ эрх, үүргийг өргөтгөх, олон нийтийн оролцоог нэмэгдүүлэх чиглэлээр  ажиллаж, байгалийн баялгийг ашиглагч нь хамгаалж, бохирдуулагч нь түүнийг нөхөн сэргээхэд  шаардагдах зардлыг нь төлөх зарчмыг тууштай баримталж байгаа юм.

Өнөөдөр мал аж ахуйн үйлдвэрлэлийн үндэс суурь болсон бэлчээрийн асуудал, гамшгийн менежментийн асуудал ч малчдын нөхөрлөл бүлэг дээр суурилан хэрэгжих болсон.

Эдгээр салбарын уялдаа холбоог хангахгүйгээр байгалийн нөөцийн хамтын менежментийн асуудал үр дүнд хүрэхгүй тул Засгийн газар энэ тал дээр зохих анхаарал тавих болно” гэжээ гэж Засгийн газрын Хэвлэл мэдээлэл, олон нийттэй харилцах албанаас мэдээллээ.  
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.