УИХ-ын ээлжит чуулганаар Шүүхийн шийдвэр гүйцэтгэх тухай болон холбогдох бусад хуулиудыг хэлэлцэх үеэр гишүүд “тахарын алба цаашид байх уу, үгүй юу” гэдгийг ярилцаж, нэлээд ширүүхэн маргалдаад авлаа.
Энэ албан байгуулагдаад жил ч хүрэхгүй хугацааг өнгөрүүлж байна. Тэгэхээр тус алба үр дүнтэй ажиллаж уу, үгүй юу гэдгийг дүгнэхэд эрт. Гэхдээ цагдаа болон шүүхийн шийдвэр гүйцэтгэх байгууллагын хооронд орхигдсон орон зайнд ажиллаж байгаа гэдэг утгаар нь энэ байгууллагыг анхнаас нь нүд үзүүрлэх хүмүүс олон байсан.
Гэвч энэ бүх хугацааны эцэст тахарын албыг байлгах эсэхийг ярина гэдэг нь утгагүй. Үнэхээр л хэрэггүй алба гэж бодож байсан юм бол анх байгуулагдаж байхад нь өөрийн үзэл бодлоо хамгаалаад үлдэцгээх ёстой байж. Гэтэл нэгэнтээ байгуулагдаад үйл ажиллагаа нь жигдрээд эхэлсэн байгууллагыг татан буулгах тухай ярьж байгаа нь үнэхээр харамсалтай.
Учир нь энэ байгууллага 600 орчим хүний бүрэлдэхүүнтэй. Хэрвээ татан буугдвал энэ хүмүүс хаачих вэ гэдэг асуудал гарч ирнэ. Цагдаа, цэрэг, шүүхийн шийдвэр гүйцэтгэх байгууллагад ажиллаж байгаад өргөдлөө өгөөд Тахар руу шилжсэн эдгээр хүмүүсийг хуучин байгууллага нь буцаагаад авах уу. Авч болдог хуулийн зохицуулалт хийлээ гэхэд эдгээр хүмүүс ямар шатарын хүү, эргүүлж, буцаадаг тоглоом биш дээ гэж бодогдож сууна.
600 хүний ард 600 айлын амьдрал яригдана. Манай эрхэм гишүүд 600 хүнээс төсвийн мөнгөө харамлаад байх шиг харагдсан. Үнэндээ харамласан тэрхүү хөрөнгө нь гишүүдийн жил бүр тойрогтоо зарцуулдаг хөрөнгөнөөс ч бага тусах вий дээ.
Тахар бол гэрч, хохирогч, яллагчдын хамгаалдаг байгууллага. Өөрөөр хэлбэл тэд хүний эрхийг хамгаалж байгаа. Харин УИХ-аас татан буулгах нь зөв өө гэж үзэж байгаа бол тэдэнд хүний эрх гэгч ямар ч хамаагүй болж таарч байна. Тийм үү. Аль эсвэл чуулганы цагаар өөр ярилцах сэдэвгүй болчихоод байгаа юм уу.
Ами
Olloo.mn
Энэ албан байгуулагдаад жил ч хүрэхгүй хугацааг өнгөрүүлж байна. Тэгэхээр тус алба үр дүнтэй ажиллаж уу, үгүй юу гэдгийг дүгнэхэд эрт. Гэхдээ цагдаа болон шүүхийн шийдвэр гүйцэтгэх байгууллагын хооронд орхигдсон орон зайнд ажиллаж байгаа гэдэг утгаар нь энэ байгууллагыг анхнаас нь нүд үзүүрлэх хүмүүс олон байсан.
Гэвч энэ бүх хугацааны эцэст тахарын албыг байлгах эсэхийг ярина гэдэг нь утгагүй. Үнэхээр л хэрэггүй алба гэж бодож байсан юм бол анх байгуулагдаж байхад нь өөрийн үзэл бодлоо хамгаалаад үлдэцгээх ёстой байж. Гэтэл нэгэнтээ байгуулагдаад үйл ажиллагаа нь жигдрээд эхэлсэн байгууллагыг татан буулгах тухай ярьж байгаа нь үнэхээр харамсалтай.
Учир нь энэ байгууллага 600 орчим хүний бүрэлдэхүүнтэй. Хэрвээ татан буугдвал энэ хүмүүс хаачих вэ гэдэг асуудал гарч ирнэ. Цагдаа, цэрэг, шүүхийн шийдвэр гүйцэтгэх байгууллагад ажиллаж байгаад өргөдлөө өгөөд Тахар руу шилжсэн эдгээр хүмүүсийг хуучин байгууллага нь буцаагаад авах уу. Авч болдог хуулийн зохицуулалт хийлээ гэхэд эдгээр хүмүүс ямар шатарын хүү, эргүүлж, буцаадаг тоглоом биш дээ гэж бодогдож сууна.
600 хүний ард 600 айлын амьдрал яригдана. Манай эрхэм гишүүд 600 хүнээс төсвийн мөнгөө харамлаад байх шиг харагдсан. Үнэндээ харамласан тэрхүү хөрөнгө нь гишүүдийн жил бүр тойрогтоо зарцуулдаг хөрөнгөнөөс ч бага тусах вий дээ.
Тахар бол гэрч, хохирогч, яллагчдын хамгаалдаг байгууллага. Өөрөөр хэлбэл тэд хүний эрхийг хамгаалж байгаа. Харин УИХ-аас татан буулгах нь зөв өө гэж үзэж байгаа бол тэдэнд хүний эрх гэгч ямар ч хамаагүй болж таарч байна. Тийм үү. Аль эсвэл чуулганы цагаар өөр ярилцах сэдэвгүй болчихоод байгаа юм уу.
Ами
Olloo.mn