Болгарын Ерөнхийлөгчийн айлчлал өндөрлөлөө

Бүгд Найрамдах Болгар Улсын Ерөнхийлөгч Росен Плевнелиевийн тавдугаар сарын 10-13-нд Монгол Улсад хийсэн төрийн айлчлал өнөөдөр өндөрлөв. Түүнийг Олон улсын нисэх онгоцны “Чингис хаан” буудлаас Монгол Улсын Гадаад хэргийн сайд Л.Пүрэвсүрэн, Монгол Улсаас БНБУ-д суугаа Онц бөгөөд Бүрэн эрхт Элчин сайд Л.Дүгэржав, Гадаад хэргийн яамны Европ, Америкийн газрын захирал Б.Чулуунхүү, албаны бусад хүмүүс үдэж мордуулав.

Монгол Улсын Ерөнхийлөгчийн урилгаар хийсэн төрийн айлчлалынхаа үеэр тэрээр Монгол Улсын Ерөнхийлөгчтэй ганцаарчилсан уулзалт, албан ёсны хэлэлцээ хийж, бизнес форум зохион байгуулсан. Мөн Монголоос БНБУ-д их, дээд сургууль төгсөгчидтэй уулзаж, малчин айлын амьдрал ахуйтай танилцсан юм.

Мөн УИХ-ын дарга З.Энхболд, Ерөнхий сайд Ч.Сайханбилэг нар БНБУ-ын Ерөнхийлөгчид бараалхсан. Айлчлалын үеэр Монгол Улс, БНБУ-ын хооронд Хамтран ажиллах тухай Монгол Улсын Гадаад хэргийн яам, БНБУ-ын Гадаад хэргийн яам хоорондын харилцан ойлголцлын Санамж бичиг, Хөдөө аж ахуйн салбарт техникийн туслалцаа үзүүлэх тухай Монгол Улсын Хүнс, хөдөө аж ахуйн яам, БНБУ-ын Хөдөө аж ахуй, хүнсний яам хоорондын Хэлэлцээр, БНБУ-ын Дээд боловсролын сургалтын байгууллагуудад монгол оюутнуудыг сургах тэтгэлэгт хөтөлбөр хэрэгжүүлэх тухай Монгол Улсын Боловсрол, соёл, шинжлэх ухааны яам, БНБУ-ын Боловсрол, шинжлэх ухааны яам хоорондын Хэлэлцээр, Монгол Улсын ШУА, БНБУ-ын ШУА хоорондын Хамтын ажиллагааны протоколд тус тус гарын үсэг зурлаа.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • огий 2015-05-18 04:05:16
    Улс бол улс Ард түмэн бол ард түмэн ХҮн л бол хүн гэж хүндэтгэж бай. Зоосны нүхээр бүү хар. Битгий ялгаж үзэж бай.
  • иргэн 2015-05-14 10:20:55
    Ажил ихтэй төрийн тэргүүнүүд сайн даа нэг хонооод явдаг сан.
  • Монголд өөр түнш алгуу 2015-05-14 03:59:03
    Очиж очиж Болгар шүү