“Хан Ресурс” компанийн Гүйцэтгэх захирал Жим Док өнгөрөгч дөрөвдүгээр сарын 23-ны өглөө байрлаж байсан /bluesky/ зочид буудлынхаа өрөөнд нас барсан байдалтай олдсон. Монголд хийсэн шинжилгээгээр түүнийг гадны нөлөөгүй, өвчний улмаас нас барсан гэдэг дүгнэлтийг гаргасан байдаг.
 
Тэгвэл Канад улсын Торонто хотод хийсэн задлан шинжилгээгээр мөн л гадны нөлөөгүй, өвчний улмаас нас барсан байна гэсэн дүгнэлт гарчээ. Тодруулбал, тэрээр чихрийн шижин өвчтэй байсан. Энэ нь амь насанд нь хүрэх шалтгаан болжээ гэж дүгнэжээ.