Авто зам, замын байгууламжийн байршил тогтоож, газар эзэмших эрх олголоо
Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа “Авто зам, замын байгууламжийн байршил тогтоож, газар эзэмших эрх олгох тухай” А/397 дугаар захирамж гаргалаа. Захирамжаар нийслэлийн төсвийн хөрөнгөөр нийслэлийн нутаг дэвсгэрт барьж байгуулахаар төлөвлөгдсөн, Газар барилгажилтын зөвлөлийн хурал, нийслэлийн Ерөнхий төлөвлөгөөний газрын баталсан зургийн даалгавруудын дагуу 3 авто зам, замын байгууламжийн байршил, хэмжээг дараахь байдлаар тогтоон тус бүр 15 жилийн хугацаатай газар эзэмших эрх олголоо. Үүнд:
 
  • Нийслэлийн Авто замын газарт Сүхбаатар дүүргийн 1,2 дугаар хорооны нутаг дэвсгэрт Усны гудамжнаас зүүн тийш 31 дүгээр сургуулийн хойд талаар 28 дугаар байрны урд тал, 23 дугаар байрны зүүн хойд тал, 17,15/1 байрны дунд тал хүртэл, 31 дүгээр сургуулийн зүүн талаар Нарны зам хүртэл шинээр барих авто замын зориулалтаар 0,6790 га газар
  • Нийслэлийн Авто замын газарт Сүхбаатар дүүргийн 7,8 дугаар хорооны нутаг дэвсгэрт 1 дүгээр байрны зүүн талаар Их тойруугийн гудамж хүртэл авто зам шинэчлэх, 6 дугаар байрны зүүн тал, 4 дүгээр байрны хойд талаас Гёте сургуулийн хойд тал, 2,3 дугаар байрны урд талаас Ж.Батмөнхийн гудамж хүртэл  шинээр барих авто замын зориулалтаар 0,5173 га газар
  • Нийслэлийн Авто замын газарт Сүхбаатар дүүргийн 4 дүгээр хорооны нутаг дэвсгэрт Сайн Ноён хан Намнансүрэнгийн гудамжнаас зүүн тийш 45 дугаар дунд сургуулийн хойд талаар шинээр барих авто замын зориулалтаар 0,1947 га газар
Дээрх авто зам, замын байгууламжийн төлөвлөлтийн шийдлийг хянан батлах, кадастрын бүртгэлд бүртгэх, замын ажилд хяналт тавьж ажиллахыг нийслэлийн Ерөнхий төлөвлөгөөний газар, Өмчийн харилцааны газар, Авто замын газарт тус тус үүрэг болгов.
 
Нийслэлийн хэмжээнд улс, орон нутгийн төсөв, гадаад, дотоодын төсөл хөтөлбөрийн санхүүжилтийн эх үүсвэрээр хийгдэх авто зам, замын байгууламжийн ажлын зориулалт, гүйцэтгэлд хяналт тавих, хэрэгжүүлж ажиллахыг Нийслэлийн Засаг даргын Зам, тээвэр, дэд бүтцийн асуудал хариуцсан орлогч Н.Гантөмөрт даалгалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.