Ийм утгатай зар сонинд нийтлэгджээ. Тодруулбал, Засгийн газраас үйлдвэржилтийг дэмжих хөтөлбөрийн хүрээнд төслүүд хүлээн авсан бөгөөд үүнээс шалгарсан 888 төсөлд хөрөнгө оруулахаар болсон юм. Тэгвэл эдгээр шалгарсан төслүүдийн нэг болох 4 тэрбум төгрөгийн санхүүжилт бүхий төслийг зарахаар болжээ. Төслийн санхүүжилт зургадугаар сараас Хөгжлийн банкаар дамжиж арилжааны банкуудаар олгогдож эхлэх юм байна.
Уг нь Монгол Улсын Засгийн газраас жижиг дунд үйлдвэрлэлийг дэмжих, үүгээр дамжуулж иргэдийг ажилтай орлоготой болгоход чиглэсэн ажлуудын нэг нь эн юм. Гэвч иргэд тухай хөтөлбөрийг өөр аргаар ашиглаж дундаас нь мөнгө завших гэж байгаагийн тод жишээ энэ болов уу. Эсвэл 888 шалгарсан төслийн ихэнх нь энэ замаар бусдад зарагдаж байна уу.
Ямартай ч албаныхан тухайн асуудалд анхаарлаа хандуулж, төсөлд шалгарсан этгээд ажил үүргээ гүйцэтгэж чадахгүй болсон бол дараагийн төслийг шалгаруулж, үнэн зөвөөр үйлдвэржилтийг дэмжмээр байна.
Ами
Оллоо.мн
Нэвтрэх