УИХ-ын гишүүн Р.Амаржаргал байнгын хороо болон чуулганы хуралдаанд гэгээн дүрээрээ морилон ирж оролцсон ч үг хэлж, санал өгөхгүй байхаар шийдэж өнгөрсөн намрын хуралдаанд бараг л ам ангайгаагүй. Түүнийг нь ч эрхэм гишүүн тухайн асуудлыг дэмжихгүй буюу өөрийн боломжит аргаар эсэргүүцлээ илэрхийлж буй хэлбэр хэмээн тайлбарласаар ирсэн.
Ямар сайндаа Төсвийн байнгын хорооны хурлын үед танхимд байгаа гишүүдийн ирц 50 хувьд хүрсэн ч программд нь ирц хүрэлцээгүй гэж заагаад байгаад гайхшаа барсан Төсвийн байнгын хорооны дарга Б.Болор учрыг лавлатал Р.Амаржаргал гишүүн картаа уншуулахгүй хэмээн “гүрийж” байсан нь саяхан. Түүнийгээ “эсэргүүцэгч” гишүүн тайлбарлахдаа "Нэгэнтээ хэлэлцэж буй асуудлыг эсэргүүцэж байгаа учраас хуралдаанд оролцохгүй байхыг хүссэн. Гэвч ажил, хурал тасалсан гэдэг хэл аманд орох гээд байна. Тийм болохоор энд сууж байгаа юм” гэсэн удаатай. Тэгвэл сүүлийн үед зөрүүд гишүүн маань нэлээн зөөлөрчээ.
Эдийн засгийн хямралтай энэ үед “Тавантолгойн гэрээг Засгийн газрын оруулж ирснээр явуулж, яаралтай батлах ёстой” хэмээн журмын нөхдөдөө тайлбарласан шиг, тун ч идэвхтэй суух болж. Р.Амаржаргал гишүүн ийнхүү зөөлөрснийг бодоход Монгол Улсын эдийн засаг тун базаахгүй байгаа бололтой.
Ямар сайндаа Төсвийн байнгын хорооны хурлын үед танхимд байгаа гишүүдийн ирц 50 хувьд хүрсэн ч программд нь ирц хүрэлцээгүй гэж заагаад байгаад гайхшаа барсан Төсвийн байнгын хорооны дарга Б.Болор учрыг лавлатал Р.Амаржаргал гишүүн картаа уншуулахгүй хэмээн “гүрийж” байсан нь саяхан. Түүнийгээ “эсэргүүцэгч” гишүүн тайлбарлахдаа "Нэгэнтээ хэлэлцэж буй асуудлыг эсэргүүцэж байгаа учраас хуралдаанд оролцохгүй байхыг хүссэн. Гэвч ажил, хурал тасалсан гэдэг хэл аманд орох гээд байна. Тийм болохоор энд сууж байгаа юм” гэсэн удаатай. Тэгвэл сүүлийн үед зөрүүд гишүүн маань нэлээн зөөлөрчээ.
Эдийн засгийн хямралтай энэ үед “Тавантолгойн гэрээг Засгийн газрын оруулж ирснээр явуулж, яаралтай батлах ёстой” хэмээн журмын нөхдөдөө тайлбарласан шиг, тун ч идэвхтэй суух болж. Р.Амаржаргал гишүүн ийнхүү зөөлөрснийг бодоход Монгол Улсын эдийн засаг тун базаахгүй байгаа бололтой.
Өглөөний сонин