Эрүүл мэндийн байгууллагад хийсэн гал түймрийн хяналт шалгалтаар 564 зөрчил илэрчээ

Онцгой байдлын ерөнхий газрын даргын 2015 онд баталсан удирдамжийн дагуу нийслэлийн нутаг дэвсгэрт байршилтай Эрүүл мэндийн байгууллагуудад гамшгаас хамгаалах болон гал түймрийн улсын хяналтыг хэрэгжүүлэх төлөвлөгөөт шалгалтыг 2015 оны 04 дүгээр сарын 01-24-ний өдрүүдэд зохион байгуулж, шалгалтанд нийт 87 объект хамрагдаж, 564 зөрчил илрүүлж, газар дээр нь 109 зөрчил буюу 19.3 хувийг арилгуулж, бусад зөрчлүүдийг арилгуулахаар Гамшгаас хамгаалах  болон Гал түймрийн улсын хяналтын байцаагчийн заавал биелүүлэх албан шаардлага 61, мэдэгдэл 18, танилцуулга 3-ыг бичиж, байгууллагын шийдвэр гаргах эрх бүхий албан тушаалтанд хүргүүлэн, хэрэгжилтэнд нь хяналт тавин  ажиллаж байна.

 Монгол Улсын Захиргааны хариуцлагын тухай хуулийн 25 дугаар зүйлийн 251 дэх заалтыг үндэслэн Сэрсан димэд ХХК, Бум Энэрэл ХХК-ийн эмнэлгийг тус бүр 250.000 төгрөгөөр, Зүтгэх найдвар ЗБН-ийн эмнэлгийг 100.000 төгрөгөөр,  нийт 3 субъектыг 600.000 төгрөгөөр торгож захиргааны арга хэмжээ тооцсон.

         Батлагдсан удирдамжийн хүрээнд эрүүл мэндийн чиглэлээр үйл ажиллагаа явуулж буй 6 байгууллагын эмч ажилчдыг хамруулан 482 хүнд  аюулт үзэгдэл, техникийн холбогдолтой осол, гал түймрийн аюулаас урьдчилан сэргийлэх чиглэлээр танхимын хичээл сургалтыг зохион байгууллаа.

         Байгууллагын менежер, харуул хамгаалалтын ажилтан нарт объектын гал түймэр гарсан тохиолдолд мэргэжлийн байгууллагад нэн даруй мэдэгдэх, гал унтраах анги хүрэлцэн ирэхээс өмнө томилгоожсон гал унтраах бүлгэмийн ажилтан нараар аюулгүй байдлыг хангуулж унтраах арга хэмжээг авах, аюулгүй байдлаа хангаж ажиллах, хэвтэн эмчлүүлж буй иргэд болон байгууллагын үйл ажиллагаанд дотоод хяналт тавьж ажиллаж байх талаар мэргэжил, арга зүйн заавар, зөвлөмжийг газар дээр нь өгч хамтран ажилласан байна.

Ами
Olloo.mn

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.