Дарханы зам дахь ослын цэгүүдийг тогтоожээ
Улаанбаатар-Дархан чиглэлийн А-0401 дугаартай улсын чанартай авто замд 52 дахь километрээс 161 дэх км хүртэл хамгийн их осол гардаг 9 цэг байгааг Мэргэжлийн хяналтын байгууллага тогтоолоо. МХЕГ-аас улсын хэмжээнд өрнүүлсэн “Хүний төлөө-зөв тус” сарын аяны хүрээнд замын ашиглалт, засвар арчлалт, шинэчлэлт, одоогийн байдал ямар байгааг өнгөрсөн гуравдугаар сарын 23-24-ний өдрүүдэд шалгасан байна. Ингээд хамгийн их осол гардаг цэгүүдийг танилцуулж байна

• Дарханы чиглэлийн 52 дахь км-т 2013 онд зам, тээврийн 30 осол гарсан бөгөөд замын уруудах хэсэгт хурд хэтрүүлэх, халтиргаа гулгаатай үед осол гарах магадлал өндөр байна. Мөн замын эвдрэл, хагарлаас болж эгнээ нарийссан хэсгээр жолооч сөрөг урсгалд орж мөргөлддөг нь тодорхой болжээ. Иймээс замын тухайн хэсгүүдэд хурдны хязгаарлалт заасан тэмдэгүүдийг байрлуулах, эвдрэл, хагарлыг засч эгнээг өргөтгөх шаардлагатай байна. 
 • Замын 60 дахь км-т 2013 онд 20 удаа осол гарсан. Энэ нь хашлаганы эргэлттэй хэсэг болон төгсгөлд гэрэлд ойлгогчийг хангалттай хийж өгөөгүй, үзэгдэх орчныг нэмэгдүүлсэн тэмдэг, тэмдэглэгээ дутмаг. 


• 85, 91 дэх км-т 2013 онд зам, тээврийн 44 осол гарсан. Эргэлт дээр налуу өндөрлөгөөг хийхдээ эргэлтийн хэсэгт төвөөс зугтах хүчний үйлчлэлийг хангалттай тооцоогүй. Үүнээс болж замын тухайн эргэлтийн хэсгээр явахдаа замаас гарах, өөдөөс ирж яваа тээврийн хэрэгсэлтэй мөргөлдөж осолддог. Тойргийн эргэлтийн хэсэгт үзэгдэх орчин хязгаарлагдмал учир шөнийн цагт осол гарах магадлал их аж. 


• 97 дахь км-т 2013 онд зам, тээврийн 4 осол гарсан. Зам дээрх гүүрний байгууламжийн өргөн хангалтгүйгээс жолоочийн харах орчин хязгаарлагдмал. Шөнийн цагт гүүрний баганын хашлага мөргөдөг. Замын гүүрэн байгууламж дээрх зорчих хэсгийн голоор заагласан тасархай шугам балархай, бүдэг болсон нь шөнийн цагт жолооч баримжаа алдаж осол гаргах магадлалыг нэмэгдүүлдэг


• 103-109 дэх км-т 2013 онд зам, тээврийн 26 осол гарч нэг хүн нас барсан. Шулуун замаас огцом эргэлтэд орох хэсэгт замын налуу өндөрлөгөөг хийхдээ төвөөс зугтах хүчний үйлчлэлийг хангалттай тооцоогүй. Үүнээс болж замын тухайн хэсгийн гадна эгнээгээр яваа тээврийн хэрэгсэл замаас гарах, өөдөөс ирж яваа тээврийн хэрэгсэлтэй мөргөлдөж осол гаргах магадлал их байдаг.Замын огцом эргэлт дээр үзэгдэх орчин хязгаарлагдмал байдгаас шөнийн цагт жолооч баримжаа алдаж осолдох магадлал их.


• 120 дахь км-т 2013 онд зам, тээврийн 150 осол гарч нэг хүн нас барсан. Замын уруудах хэсэгт хурд хэтрүүлдэг. Бага хурдаар өгсөж яваа тээврийн хэрэгслийг гүйцэж түрүүлэхдээ өөдөөс ирж яваа тээврийн хэрэгсэлтэй мөргөлдөх осол их гардаг. Огцом эргэлтээс уруудах замын хэсэгт үзэгдэх орчин хязгаарлагдмал, аюулгүйн хаалт, хашлага дутмагаас шөнийн цагт жолооч баримжаа алддаг. Замын эвдрэл, хагарлыг тойрч гарах үедээ өөдөөс ирж яваа тээврийн хэрэгсэлтэй мөргөлдөж осол гаргах магадлал их.


• 157 дахь км-т тээврийн хэрэгслүүд мөргөлдөх болон замын хажуугийн хаалт, хашлага мөргөх осол ихэвчлэн гардаг. Замын огцом өгсүүрийн оройгоос баруун тал руу эргэсэн огцом эргэлт залгаж байгаа нь ослын шалтгаан болдог. Замын огцом эргэлт, уруудах үед үзэгдэх орчин хязгаарлагдмал, тэмдэг, тэмдэглэгээ, хаалт, хашлага хангалтгүй


• 161 дэх км-т хурд хэтрүүлдэг. Замын өгсүүр хэсгийн оройд буюу Хадагтай модны орчим тээврийн хэрэгсэл удаан зогсдог. Үүнийг тойрч гарахдаа өөдөөс ирж яваа тээврийн хэрэгсэлтэй мөргөлдөх магадлал их байдаг аж. Иймээс ослоос урьдчилан сэргийлэхийн тулд шаардлагатай арга хэмжээг нэн даруй авах тухай саналаа Мэргэжлийн хяналтын ерөнхий газраас Зам, тээврийн яаманд хүргүүлээд байна.
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Болж байна ш дээ цөөхөн монголчууд бие б 2015-04-21 18:56:13
    Зөв байна шүү манайхаан хүний төлөө ингэж үндэслэл судалгаатай ажиллах ёстой юм даа. Ослын цэгүүдэд ойртоход хурдыг багасгаж тэмдэгжүүлэх хэрэгтэй. Юуны өмнө
    151.159.104.188
    Мэдэгдсэн Хариулах
  • 1958.mn 2015-04-21 04:23:17
    Өнөөдөр зарахад бэлэн 6000 орчим ОРОН СУУЦ-н мэдээлэл манай www.1958.mn - д байна. Та өөрийн хэрэгцээнд нийцсэн байрыг манайхаас сонгоорой!
    180.235.185.228
    Мэдэгдсэн Хариулах
  • иргэн 2015-04-21 03:37:38
    за ёстой энэ ажлыг эхлүүлж байгаа хүмүүст талархаж байна. Хэдэн хүний амь насаар нэг ухаан орж байгаа юм бол доо. Наад замуудаа яаралтай засах ажлыг одоо эхлэ!
    103.26.193.98
    Мэдэгдсэн Хариулах
  • МОНГОЛ 2015-04-21 03:20:47
    МХЕГ МАШ САЙН ҮЙЛ ХИЙСЭН БАЙНА. ЗАМЫН ЦАГДААГИЙН ГАЗАР МЭРГЭЖЛИЙН БАЙГУУЛЛАГЫН ХУВЬД ИЙМ АЖЛЫГ БУСАД ЧИГЛЭЛИЙН ЗАМУУД ДЭЭР ТЭМДЭГ, ТЭМДЭГЛЭГЭЭ ХИЙХ ХЭРЭГТЭЙ
    202.179.7.38
    Мэдэгдсэн Хариулах