Авлигатай тэмцэх газраас албан тушаалтнуудын хөрөнгө орлогын мэдүүлгийг нэгтгэж дуусаад өнгөрсөн баасан гарагаас олон нийтэд танилцуулсан. Энэ жил нийтдээ 244 албан тушаалтан ХОМ-ээ гарган өгчээ. 2012 оноос хойш 239 эрх мэдэлтэн, албан тушаалтан хөрөнгөө мэдүүлдэг байсан бол 2014 онд 244 болж өсжээ.Олон нийтийн зүгээс УИХ-ын гишүүдийн хөрөнгө орлогыг ихээхэн сонирхдог. Учир нь гишүүдийн дунд орон оронгүй олон жил түрээсийн байр хэсэж амьдарсан гишүүд хэд хэд байсан нь иргэдийг гайхшруулаад авсан юм. Тиймээс жил бүр тэдгээр гишүүдийг орох оронтой болж уу үгүй юу гэдгийг ихээхэн сонирхдог юм.
Энэ жилийн тухайд орох оронгүй гишүүд байхгүй байна. Харин хөл дүүжлэх унаагүй улсын унаагаар хөл залгуулдаг 15 гишүүн байна. Тэгвэл тэдний хажууд үнэтэй машины цуглуулгатай хоёр ч гишүүн байна. Мөн толгой эргэм их хөрөнгөтэй гишүүдийн тоо ч өмнөх жилүүдээс нэмэгджээ. Энэ жил 10 тэрбум давсан хөрөнгөтэй 10 орчим гишүүн байна.
Харин эдгээр гишүүдийг “АПУ" –гийн Г.Батхүү 76.8 тэрбумын хөрөнгөөрөө тэргүүлж, энэ жилийн толгой баянаар тодорлоо. Түүний араас Л.Энх-Амгалан гишүүн 60.5 тэрбумын хөрөнгөөрөө хоёрдугаарт бичигджээ. Гуравдугаарт М.Зоригт 53.1 тэрбум төгрөгийн хөрөнгөтэй хэмээн мэдүүлж бичигдсэн байна. Араас нь Лу.Болд 43.7 тэрбум, Д.Сумъяабазар 19.4 тэрбум, Сү.Батболд 18.9 тэрбум, М.Сономпил 13.2 тэрбум, Ж.Энхбаяр 11.2 тэрбум, Б.Наранхүү 11.1 тэрбумын хөрөнгө орлоготой болохоо мэдэгдэж УИХ-д суугаа хамгийн их хөрөнгөтэй гишүүдийг толгойлжээ.
Энэ жилийн тухайд орох оронгүй гишүүд байхгүй байна. Харин хөл дүүжлэх унаагүй улсын унаагаар хөл залгуулдаг 15 гишүүн байна. Тэгвэл тэдний хажууд үнэтэй машины цуглуулгатай хоёр ч гишүүн байна. Мөн толгой эргэм их хөрөнгөтэй гишүүдийн тоо ч өмнөх жилүүдээс нэмэгджээ. Энэ жил 10 тэрбум давсан хөрөнгөтэй 10 орчим гишүүн байна.
Харин эдгээр гишүүдийг “АПУ" –гийн Г.Батхүү 76.8 тэрбумын хөрөнгөөрөө тэргүүлж, энэ жилийн толгой баянаар тодорлоо. Түүний араас Л.Энх-Амгалан гишүүн 60.5 тэрбумын хөрөнгөөрөө хоёрдугаарт бичигджээ. Гуравдугаарт М.Зоригт 53.1 тэрбум төгрөгийн хөрөнгөтэй хэмээн мэдүүлж бичигдсэн байна. Араас нь Лу.Болд 43.7 тэрбум, Д.Сумъяабазар 19.4 тэрбум, Сү.Батболд 18.9 тэрбум, М.Сономпил 13.2 тэрбум, Ж.Энхбаяр 11.2 тэрбум, Б.Наранхүү 11.1 тэрбумын хөрөнгө орлоготой болохоо мэдэгдэж УИХ-д суугаа хамгийн их хөрөнгөтэй гишүүдийг толгойлжээ.
Б.Сансар
olloo.mn
olloo.mn