“Тавантолгой”-н гэрээг өнөөдөр УИХ-д өргөн барина
Засгийн газрын тэргүүн УИХ-ын чуулганы нээлтийн өдөр "Тавантолгой"-н гэрээг УИХ-д өргөн мэдүүлэхээ мэдэгдсэн юм. Гэвч гэрээний төслийг өнөөдрийг хүртэл УИХ-д өргөн мэдүүлээгүй байгаа юм.   

Тэгвэл Монгол Улсын сайд М.Энхсайхан "Тавантолгой"-н гэрээний төслийг өнөөдөр УИХ-д өргөн мэдүүлнэ хэмээн мэдэгдлээ. Өнгөрсөн хугацаанд гэрээний бичиг баримт бүрэн эсэхийг хянуулахаар УИХ-ын Тамгын газарт хүргүүлээд байсан аж. Ингээд УИХ-ын тамгын  газраас бүрэн эсэхийг шалгаж дууссан тохиолдолд өнөөдөр УИХ-д өргөн мэдүүлэхээр болжээ.
 
Уг асуудлыг УИХ-аар заавал хэлэлцэх шаардлагагүй гэж үзэх хүмүүс нэлээдгүй бий.Гэвч УИХ-ын дарга гэрээний төслийг УИХ-аар хэлэлцүүлэх ёстой гэх байр суурийг илэрхийлээд байгаа юм.  Ямартай ч олон жил гацсан “Тавантолгой”-н гэрээний асуудал шийдэгдэх шатандаа орж, УИХ-аар хэлэлцүүлэхээр боллоо.

Ерөнхий  сайд Ч.Сайханбилэгийн зүгээс УИХ-ын дарга З.Энхболдод хандан 14 хоногтоо багтаан “Тавантолгой”-н асуудлыг шийдвэрлэж өгөхийг хүссэн билээ. УИХ-ын даргын зүгээс “Тавантолгой”н гэрээ УИХ-аар орсон тохиолдолд энэ асуудлыг яаралтай хэлэлцэнэ гэсэн юм. 
Б.Сансартуяа
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.