Энэ хавар хуурайшилт ихтэй байгаагаас үүдэн ой хээрийн түймрийн гаралт их байгаа. Ялангуяа Дорнод, Хэнтий, Сүхбаатар аймгийн нутгаар олон удаагийн хээрийн түймэр гарч багагүй хохирол учруулаад байна. Өнгөрсөн сард Дорнод аймагт гарсан түймрийг унтраахаар ажиллаж байсан нэг иргэн амиа алдсан харамсалтай хэрэг хүртэл гарсан. Тэгвэл өчигдөр Сүхбаатар аймгийн Түмэнцогт суманд гарсан хээрийн түймэр сумын төв рүү дөхөж нутгийн иргэд болоод онцгой байдлынхныг багагүй сандаргажээ. Харин албаны эх сурвалжаас авсан мэдээллээр өнгөрсөн шөнө түймрийг сумын төв рүү орж ирэхээс урьтаж унтраасан байна. Уг түймрийн улмаас хүн гэмтсэн мэдээлэл байхгүй байгаа ч мал олноороо өртсөн аж.
Б.Сансар
olloo.mn