Өчигдөр Монгол Улсын Ерөнхийлөгч Ц. Элбэгдорж Саус Гоби Сэндс ХХК-ийн удирдлагууд болох АНУ-ын иргэн Жастин Каплад нарт албан ёсоор уучлал үзүүлсэн билээ. Тэгвэл энэ талаар АНУ-ын ЭСЯ-аас мэдэгдэл гаргаж, талархсанаа илэрхийлсэн байна.
Тэрхүү мэдэгдэлдээ,
Ерөнхийлөгч Ц. Элбэгдоржийн энэхүү үйлдэлд бид талархаж байна. Ноён Каплагийн өмгөөлөгчид түүнийг урьдчилан хорих төвөөс суллагдсаныг баталж байна. Энэхүү шийдвэр нь Ноён Каплад оногдуулсан байсан хилээр гарах хоригийг мөн цуцалж байгаа хэмээн бид ойлгож байгаа. Хэрэв тэрээр АНУ руу буцахаар шийдвэл чөлөөтэй гарч болохоор болсонд бид баяртай байна.
Ноён Каплад холбогдох хэрэг гурван жил орчим үргэлжилсэн бөгөөд түүнд хилээр гарах хориг тавьсан, шүүн таслах ажиллагаа явагдаж, улмаар түүнийг хорьсон явдал нь ноён Каплад ихээхэн бэрхшээл учрууллаа. АНУ-ын Элчин сайдын яам хэргийг анхааралтай ажиглаж консулын шаардлагатай бүх туслалцааг үзүүлж ирлээ.
Гадаадын шууд хөрөнгө оруулалт хийх орчны хувьд Монгол Улсад үнэлгээ өгөхөд энэ хэрэг сөргөөр нөлөөлж буйг бизнесийн хүрээнийхэн илэрхийлсэн билээ. Цаашид иймэрхүү хэргүүдийг Монгол Улсын эрх барих байгууллагуудын зүгээс шударга, ил тод бөгөөд Монгол Улсын хууль дүрэмд бүрэн нийцүүлэн шийдвэрлэнэ гэдэгт бид итгэж байна” гэжээ.
Ямартаа ч Жастин Капла нарт уучлалт үзүүлсэн ч татварын өрийг нь төлүүлнэ гэдгийг мэдэгдээд байгаа юм.
Г.Уянга
olloo.mn
Тэрхүү мэдэгдэлдээ,
Ерөнхийлөгч Ц. Элбэгдоржийн энэхүү үйлдэлд бид талархаж байна. Ноён Каплагийн өмгөөлөгчид түүнийг урьдчилан хорих төвөөс суллагдсаныг баталж байна. Энэхүү шийдвэр нь Ноён Каплад оногдуулсан байсан хилээр гарах хоригийг мөн цуцалж байгаа хэмээн бид ойлгож байгаа. Хэрэв тэрээр АНУ руу буцахаар шийдвэл чөлөөтэй гарч болохоор болсонд бид баяртай байна.
Ноён Каплад холбогдох хэрэг гурван жил орчим үргэлжилсэн бөгөөд түүнд хилээр гарах хориг тавьсан, шүүн таслах ажиллагаа явагдаж, улмаар түүнийг хорьсон явдал нь ноён Каплад ихээхэн бэрхшээл учрууллаа. АНУ-ын Элчин сайдын яам хэргийг анхааралтай ажиглаж консулын шаардлагатай бүх туслалцааг үзүүлж ирлээ.
Гадаадын шууд хөрөнгө оруулалт хийх орчны хувьд Монгол Улсад үнэлгээ өгөхөд энэ хэрэг сөргөөр нөлөөлж буйг бизнесийн хүрээнийхэн илэрхийлсэн билээ. Цаашид иймэрхүү хэргүүдийг Монгол Улсын эрх барих байгууллагуудын зүгээс шударга, ил тод бөгөөд Монгол Улсын хууль дүрэмд бүрэн нийцүүлэн шийдвэрлэнэ гэдэгт бид итгэж байна” гэжээ.
Ямартаа ч Жастин Капла нарт уучлалт үзүүлсэн ч татварын өрийг нь төлүүлнэ гэдгийг мэдэгдээд байгаа юм.
Г.Уянга
olloo.mn