Ам.долларын ханш 2000 төгрөг давах нь цаг хугацааны асуудал боллоо. Монгол улсад орж ирэх гадаадын хөрөнгө оруулалт зогсонги байдалтай байгаагаас үүдэн ам.долларын ханш эрчимтэй өссөөр, өнөөдрийн байдлаар 1991 төгрөгтэй тэнцлээ. Арилжааны банкуудад 1989-1991 төгрөгөөр ам.долларыг худалдаалж байна. Харин “Найман шарга” валют арилжааны зах дээр нэг ам.доллар 1988 төгрөг байна. Энэ байдлаараа ийнхүү хурдтай өссөөр байвал ам.доллар 2000 төгрөгөөр тогтохгүй нэмэгдэх хандлагатай байна.
Долларын ханш ийнхүү эрчээ аван дээшилж байхад төв банкны зүгээс арга хэмжээ авах талаар ганц ч үг дуугарахгүй байгаа нь иргэдийг бухимдуулж байна. Сүүлийн хоёр жилийн хугацаанд байнгын өсөлттэй байсан долларын ханшийг тогтворжуулахаар Монгол банкны зүгээс өнгөрсөн оны тавдугаар сард бодлогын хүүг нэмэгдүүлж байсан. Энэ үеэр Монгол банкны ерөнхийлөгч Н.Золжаргал бодлогын хүүг нэмэгдүүлснээр валютын ханшийг тодорхой хугацааны дараа барих боломжтой гэж байсан ч энэ нь үр дүнд хүрсэнгүй.
Хаврын бүтээн байгуулалтын цаг дөхсөн энэ үед ам.долларын ханш буурах нь юу л бол. Харин ч бүр нэмэгддэг зарчмаараа нэлээд өсөх нь байна.Харин энэ бүхнийг Монгол банк дуугүй харсаар суух бололтой.
Долларын ханш ийнхүү эрчээ аван дээшилж байхад төв банкны зүгээс арга хэмжээ авах талаар ганц ч үг дуугарахгүй байгаа нь иргэдийг бухимдуулж байна. Сүүлийн хоёр жилийн хугацаанд байнгын өсөлттэй байсан долларын ханшийг тогтворжуулахаар Монгол банкны зүгээс өнгөрсөн оны тавдугаар сард бодлогын хүүг нэмэгдүүлж байсан. Энэ үеэр Монгол банкны ерөнхийлөгч Н.Золжаргал бодлогын хүүг нэмэгдүүлснээр валютын ханшийг тодорхой хугацааны дараа барих боломжтой гэж байсан ч энэ нь үр дүнд хүрсэнгүй.
Хаврын бүтээн байгуулалтын цаг дөхсөн энэ үед ам.долларын ханш буурах нь юу л бол. Харин ч бүр нэмэгддэг зарчмаараа нэлээд өсөх нь байна.Харин энэ бүхнийг Монгол банк дуугүй харсаар суух бололтой.
Б.Сансартуяа
olloo.mn
olloo.mn