Манайд дарга солигдохоор даамлууд нь солигддог хачин жишиг бий. Төрийн албанд энэ нь хамгийн түгээмэл үзэгдэл болоод удаж буй. Оны өмнө Шинэчлэлийн Засгийн газрыг огцруулж, Шийдлийн Засгийн газрыг байгуулсан. Гэвч шинэ засгийн ажил жигдэрч амжаагүй л байна. Дээгүүрээ ч яах вэ бялуугаа эн тэнцүү хуваагаад найрамдчихсан. Харин доогуураа эд бужигнаж байна. Яам агентлагуудад хурган дарга нарын халаа сэлгээ эрчимтэй хийгдэж төрийн ажил гацаанд орж байна.
Тухайлбал ШӨХТГ-ын шинэхэн дарга Т.Аюурсайхан энэ албанд очсон даруйдаа халаа сэлгээ хийж, зарим нэг ажлын байранд цомхотгол хийнэ гэдгээ мэдэгдээд байсан. Үүнийхээ дагуу бүх хэлтсийн дарга нараа өөрчилж буй сурагтай. Мэдээж хэрэг хэлтсийн даргаа цомхотголд оруулахгүй нь ойлгомжтой. Тэгэхээр энэ нь өмнөх даргын үед ажиллаж байсан хүнтэй хамт ажиллахгүй гэсэн үг. Өөрөөр хэлбэл хүний хүнтэй бус өөрийн хүнтэй ажиллана гэж байгаа хэрэг. Хүний хүн гэдэг нь өөр намын хүн болж таарч байна. Гэвч төрийн албанд тэр тусмаа иргэдэд үйлчилдэг газрын хувьд хүний өөрийнх нь ямар хамаа байна аа? Өөрт оногдсон ажлаа л хийж чадаж байвал халаа сэлгээ хийлгүй хамтран ажиллаад байж болох л асуудал шүү дээ.Гэтэл манайхны хувьд тийм биш бололтой.
Ингэж шинэ дарга очсон газар болгоны газар, хэлтсийн дарга өөрчлөгдөх нь хэвийн үзэгдэл болсон бөгөөд үүнийгээ өөрийн гар нийлсэн багтайгаа ажиллаж байна гэж тайлбарладаг. Уг нь төрийн албанд удирдах албан тушаал хашиж буй хүн ямар ч хүнтэй хамтран ажиллачих чадвартай байх ёстой биш гэж үү?
Улс орны эдийн засгийн нөхцөл байдал өдөр өдрөөр дордож байхад яам агентлагуудад халаа сэлгээ үргэлжилсээр төрийн ажил хэвийн үйл ажиллагаандаа орохгүй байгааг иргэд ихээхэн шүүмжилж байгаа. Ийнхүү шинэ дарга, хэлтсийн дарга нар нь ажилдаа төвхнөх гэсээр байтал сонгуультай золгож ажил хийх хугацаа ч байхгүй болж мэдэх нь байна. Ямартай ч энэ эцэс төгсгөлгүй албан тушаалын төлөөх дайнаа зогсоож ажлаа хийхгүй бол уруудсан нийгэм чинь бүр л уруудах болоод байна.
Тухайлбал ШӨХТГ-ын шинэхэн дарга Т.Аюурсайхан энэ албанд очсон даруйдаа халаа сэлгээ хийж, зарим нэг ажлын байранд цомхотгол хийнэ гэдгээ мэдэгдээд байсан. Үүнийхээ дагуу бүх хэлтсийн дарга нараа өөрчилж буй сурагтай. Мэдээж хэрэг хэлтсийн даргаа цомхотголд оруулахгүй нь ойлгомжтой. Тэгэхээр энэ нь өмнөх даргын үед ажиллаж байсан хүнтэй хамт ажиллахгүй гэсэн үг. Өөрөөр хэлбэл хүний хүнтэй бус өөрийн хүнтэй ажиллана гэж байгаа хэрэг. Хүний хүн гэдэг нь өөр намын хүн болж таарч байна. Гэвч төрийн албанд тэр тусмаа иргэдэд үйлчилдэг газрын хувьд хүний өөрийнх нь ямар хамаа байна аа? Өөрт оногдсон ажлаа л хийж чадаж байвал халаа сэлгээ хийлгүй хамтран ажиллаад байж болох л асуудал шүү дээ.Гэтэл манайхны хувьд тийм биш бололтой.
Ингэж шинэ дарга очсон газар болгоны газар, хэлтсийн дарга өөрчлөгдөх нь хэвийн үзэгдэл болсон бөгөөд үүнийгээ өөрийн гар нийлсэн багтайгаа ажиллаж байна гэж тайлбарладаг. Уг нь төрийн албанд удирдах албан тушаал хашиж буй хүн ямар ч хүнтэй хамтран ажиллачих чадвартай байх ёстой биш гэж үү?
Улс орны эдийн засгийн нөхцөл байдал өдөр өдрөөр дордож байхад яам агентлагуудад халаа сэлгээ үргэлжилсээр төрийн ажил хэвийн үйл ажиллагаандаа орохгүй байгааг иргэд ихээхэн шүүмжилж байгаа. Ийнхүү шинэ дарга, хэлтсийн дарга нар нь ажилдаа төвхнөх гэсээр байтал сонгуультай золгож ажил хийх хугацаа ч байхгүй болж мэдэх нь байна. Ямартай ч энэ эцэс төгсгөлгүй албан тушаалын төлөөх дайнаа зогсоож ажлаа хийхгүй бол уруудсан нийгэм чинь бүр л уруудах болоод байна.
Б.Сансартуяа
olloo.mn
olloo.mn