Olloo.mn - Єдєр бvр дэлхий даяар - Тэнд нэг хvний ая тааллаар ажил хэрэг явагдаж байна уу

Сайн байна уу? Зочин! Нэвтрэх | Бvртгvvлэх | | RSS

Хайлтын систем : Хайлт хийх заавар \| Монголоор бичих заавар

сурталчилгаа »

Єнєєдєр их уншсан:

Эмэгтэй хvний vнэ цэнээ алдмааргvй байна » , Улстєрчдєєр ''тархиа угаалгахгvй шvv'' монголчуудаа » , Уурхайчдад 100 метр ойртжээ » , Нийтийн тээврийнхэн уралдаанд оролцож буй мэт давхисаар... » , Байгаль хамгаалах нэрийдлээр бусад уруу буу шагайхдaа тулаа юу » , Ирэх сараас замын камерыг бvрэн ашиглана » , Б.Амархvv ''Sweetymotion''-ыхонд санал тавьжээ » , Ногоон єдрєєр хvнсний ногооны vнэ буурчээ » , С.Мєнхтуяа: 10-12 насныхан сэтгэцэд нєлєєлєх эм, бодисыг сонирхож хэрэглэх нь ихэссэн » , Ж.Дамдины шvvх хурлын давж заалдах шатны дvн гараагvй » ,

155010-руу зар илгээх:

он

Бусад : » Тэнд нэг хvний ая тааллаар ажил хэрэг явагдаж байна уу

2010-07-30 08:38:08 , Мэдээний дугаар: #1174276

Хэдхэн хоногийн ємнє Буянт-Ухаа дахь Хилийн мэргэжлийн хяналтын албаны ажилтан ажлаасаа халагдлаа. Энэ оны хоёрдугаар сараас хойш тус албанаас ажлаас халагдаж байгаа 11 дэх хvн нь энэ. Уг

сурталчилгаа »

нь Буянт-Ухаагайн хилийн мэргэжлийн хяналтынхан тийм ч илvvдээ гарсан хvнгvй, цомхон газар. Ердєє 38 ажилтан, ажилчидтай. Тэгэхээр хагас жил хvрэхгvй хугацаанд нийт ажиллагсдынхаа бараг гуравны нэгийг халчихаад байна гэсэн vг. Одоо дахиад хичнээн ажилтан халаа сэлгээний хар дансанд бvртгэгдээд байгааг тэнгэр ч мэдэхгvй.

Энэ оны эхээр буюу хоёрдугаар сард Буянт-Ухаагийн хилийн мэргэжлийн хяналтынхан гурав дахь даргынхаа нvvрийг харав. Тэр даргыг М.Туул гэдэг аж. Хамт олны хурал дээр МХЕГ-ын дарга Ж.Гантємєрийн танилцуулснаар бол хуульч мэргэжилтэй, АНУ-д ганцхан жилийн дотор магистрийн зэрэг хамгаалсан нэгэн гэх. Шинэ дарга ажил хvлээж аваад л долоо дахь хоногоосоо эхлэн халаа сэлгээнд ханцуй шамлан орсон байдаг. Ажил алба угтаа цаанаа хvний амьдрал байдаг болохоор энэ бол эмзэг, долоо хэмжиж нэг огтлох ёстой асуудал байж таарна. Тэр дундаа таалагдах таалагдахгvйн хэмжvvр байж бvр ч болохгvй.

Шинэ дарга нарийн бичиг, жолооч хоёрынхоо "хойтох"-ыг эхэлж харав. Гэхдээ тэднийг дарамталсаар байгаад ажиллах нєхцєлгvй болгож єєрсдєєр нь єргєдєл бичvvлэх арга мэхийг хэрэглэсэн хэмээн ажиллагсад нь хэлэх юм билээ. Халагдсан хvн нь ажлаа хvлээлцэж ширээгээ цэгцэлж амжаагvй байхад дараагийнх нь хvний тушаал гарчихсан байдаг.

Ер нь багаа бvрдvvлэх нэрээр ийн тєрийн албыг танил нєхєд, тал тохой татагсдын vvр болгодог нь ганцхан энд ч биш. Нийтлэг дvр тєрх болоод байгаа юм биш vv. Энэ боомт дээр урьд нь стандарт чанар хяналтын байцаагчаар англи хэл, япон хэл, газарзvй, химийн багш, барилгын инженер, нягтлан бодогч зэрэг мэргэжлийн бус хvмvvс ажиллаж байсан нь бас vнэн. Гэхдээ одоо тэднийг эхнээс нь чєлєєлж байгаа хэдий ч оронд нь дєнгєж сургууль тєгссєн тєрийн албанд ажиллаж байгаагvй 3-4 хvнийг улсын байцаагчаар авсан нь нэмэгдэхvvний байрыг сольсноор нийлбэр єєрчлєгдєхгvй гэдэгтэй чанар нэг юм.

Энэ нь Тєрийн албаны тухай болон бусад хууль тогтоомжийг зєрчсєн хэрэг болно. Тєрийн албаны зєвшєєрєлгvй хvмvvсийг тангараг єргvvлсэн хэрнээ Тєрийн албаны шалгалтаар нэгээр гарсан байцаагчийг ажлаас нь халсан хачирхалтай томилгоо энд хийгдсэн байх юм. Тухайлбал, тєрийн албаны шалгалтаар хамгийн амжилттай дvн vзvvлсэн байцаагч Б.Ундармааг мэргэжлийн бус гэж ажлаас халаад япон хэлний багш Ч.Алтантvлхvvр, хими технология инженер Г.Болормаа нарыг Тєрийн албаны зєвлєлийн зєвлєлийн зєвшєєрєлгvйгээр тангараг єргvvлж, тамга тэмдэг олгон байцаагч болгожээ. Хамгийн гол нь энэ томилгоо нь мєнєєх л танил тал, дарга цэргийн хэлхээ холбоон дээрээ дулдуйдсан байна. Шинээр ажилд орсон Алтантvлхvvр нь Сvхбаатар боомтын даргын охин бол Г.Болормаа нь МХЕГ-ын Тамгын дарга Гантємєрийн ахын хvvхэд гэнэ.

Энэ мэтээр тєрийн албыг хувийн компани мэт vзэж, хамаатан садны цус ойртолт энд vргэлжилж байна. Тєрийн алба энэ мэтээр удам залгах болжээ. М.Туул нь єєрєє Тамгын дарга Гантємєрийн хvн гэгцдэг.

Тєрийн албаны зєвлєлийн шийдвэр гараагvй байхад байцаагч нарыг тангараг єргvvлэн тамга тэмдэг гардууддаг нь эндхийн нийтлэг vзэгдэл болоод байна. ХААИС-ийг 2010 онд тєгссєн Э.Солонгыг хэдхэн хоногийн ємнє УХЦХяналтын байцаагчаар ажилд аван ТАЗ, МХЕГ руу албан бичиг чулуудан тангараг єргvvлэхийг гуйж байна. Гэсэн хэрнээ албаны УХЦХ байцаагчаар 3 дахь жилдээ ажиллаж байгаа Энхжаргал, ЭАХСХ байцаагч С.Болормаа нарыг ТАЗ-єєс єєрєє шалгалтын бичиг баримтаа олж ир гэж гацаанд оруулж байна. Мэдээж Тєрийн албаны зєвлєл хувь хvнд бичйг баримт дамжуулах дvрэм журамгvйг М.Туул маш сайн мэдэж байгаа. Тvvгээр зогсохгvй ажлаас халагдсан, нас барсан, чєлєєлєгдсєн байцаагчийн тамга тэмдэгийг Ерєнхий байцаагчийн зєвшєєрєлгvй /МХЕГ-ын даргын тушаалтай/ байцаагч нарт дамжуулан ашиглаж байна.

Буянт-Ухаа боомтын гол vvрэг бол хяналт шалгалтыг мэргэжлийн єндєр тvвшинд явуулах. Мэргэжлийн бус гэсэн шалтгаанаар мэргэшсэн ажилтнуудыг ажлаас халж байгаа хэрнээ энд эдvгээ мэргэжлийн бус байцаагчаар бодис бараа бvтээгдэхvvнд дvгнэлт гаргуулан баталгаажуулсан хэвээр байгаа нь хачирхалтай. Vvний нэгээхэн жишээ гэвэл барилгын инженер мэргэжилтэй байцаагчаар ургамал ногоо юу хамаагvйд улсын байцаагчийн дvгнэлт гаргуулан хилээр нэвтрvvлж байгаа явдал. Эмийн асуудлыг эрvvл ахуйн ахлах байцаагч, албаны дарга нар нь єргєдєл бичvvлж цохолт хийж хил нэвтрvvлдэг хэв жаяг хэдийинэ тогтжээ.

Байцаагчдыг МХЕГ-ын даргын гаргасан тушаал дvрэм зєрчvvлж, тамга тэмдгийг нь єєрийн хvссэн газраа даруулдаг, тайлбарлахаар та нар залхуурч байна, юу ч мэдэхгvй хэмээн тэнэг мангарт нь хvрдэг, байцаагчийн дvгнэлтийн маягт дээр илтгэх хуудас бичихийг шаардаж, эсэргvvцвэл байцаагч байх эрхгvй гэж айлган сvрдvvлдэг гэсэн ажиллагсдынх нь гомдол чих дэлсдэг.

Энэ албанд бичиг цаасных нь зардал дийлдэхээ байж байгаа гэх. Ээлж ажлаа 5 тєрлийн дэвтэрт бичиж, бас тvvнийгээ илтгэх хуудас хэмээн нэрлэж 4-5 хуудас 3 хувь болгон албаны дарга, орлогч дарга, ээлжийн ахлагч нар авна. Тэр бvv хэл єдрийн амралтанд явж ирэхэд тайлан, илтгэх хуудас бичvvлж байцаагчийн тамгаар баталгаажуулан хадгалдаг шинэ дvрэм журам батлагдсан байна.

Ёс ёмбогор, тєр тємбєгєр гэж vг бий. Мэргэжлийн хяналтынхан бол тєрийн ємнєєс ажил vйлчилгээ vзvvлж байгаа хvмvvс. Тиймдээ ч тусгай хувцас формоор хангагддаг. Гэтэл МХЕГ-ын даргын 296-р тушаалыг зєрчиж, улсын байцаагчийн форм, тамга тэмдгийг хэн хамаагvй хvнд хэрэглvvлж хяналтын цэг дээр ажиллуулах нь Буянт-Ухаагийн боомт дээр жирийн явдал. Одоо энд албаны нярав, нягтлан бодогч, жолооч, ариутгагч, шинээр орсон туршилтын ажил-тан, нарийн бичиг, тэр бvv хэл дадлагын оюутан хvртэл улсын байцаагчийн формыг ємсєж байна.

Тус боомтын ажиллагсад албаныхаа санхvvгийн vйл ажиллагаанд ч сэтгэл дундуур явдаг. Тухайлбал, цалингийн хавтгайг танилцуулж гарын vсэг зуруулдаггvй, цалингаас 2-20 мянган тєгрєг дутдаг гэсэн гомдол дагалддаг. Буянт-Ухаа дээр гаднаас ирж байгаа онгоцууд ариутгал хийлгэдэг журамтай. Нэг онгоцны ариутгалыг 25-42 ам доллараар хийдэг. Зуны улиралд єдєрт 8-12 онгоц бууж байгаа болохоор дээд зах нь 500 орчим ам долларын орлого олно. Гэтэл энэ ариутгалын мєнгийг дансанд 40 гаруй онгоцоор зєрvvлж тусгаж байсан баримт бий! Мєн AIR CHINA авиакомпаниас авсан ариутгалын мєнгийг одоо болтол тєрийн дансанд хийлгvйгээр бэлнээр авч хэрэглэж байгаа гэнэ.

Буянт-Ухаа дахь хилийн мэргэжлийн хяналтын алба Туул даргын vед тєрийн алба гэхээсээ илvvтэй сургалт сурталчилгааны тєв, бар савны зардал даадаг ивээн тэтгэгч байгууллага мэт болсон гэх. Тухайлбал, бvх ажилчдын хурлыг сургалт нэрээр ямар ч санал асуулгагvй хийж дотоод журам, хамтын гэрээг шууд баталснаар танилцуулсан, бvх ажилчдын хурал хийдэггvй, санал шvvмжлэл хаалттай, дээрээс ирсэн шалгалтын дvнг танилцуулалгvй хоёр cap єнгєрсєн, шалгалтын багийнхныг Нvхтэд дайлж цайлсан гэхчлэн яригддаг.

Боомтын дарга єєрєє тэндхийн албадын дарга нартай єрєєндєє ажлын цагаар архиддаг, Жаргалант амралтын газар найрлаж наргиж ирчихээд ажилчдаа ажлын байр хаяж явсан хэмээн цалингийн 20 хувиар торгожээ. Гэтэл тэр vед шєнийн 00 цаг болж олон улсын нислэгийн ямар ч онгоцгvй, тэндхийн бусад бvх алба тарчихсан байсан vе гэнэ.

Иймэрхvv янзаар, нэг хvний ая тааллаар тэнд ажил хэрэг явагдаж байна. Мэргэжлийн хяналт гэдэг бол онцгой алба. Тиймээс ч онцгой хариуцлага, сахилга, ёс зvй, дvрэм журам хэрэгтэй байж таарна. Чухамдаа энэ шаардлагыг хангаж чадаж байгаа эсэхээ МХЕГ-ынхан єєрсдєє шvvн тунгаах учиртай.

П.БУЛГАН